《愛回家》朱天梯梁証嘉消失2個月去咗邊？ 揭曾遭減戲份之謎 靠一人撐番起

《愛．回家之開心速遞》有多條感情線，但朱天梯（梁証嘉飾演）繼拒絕熊心如（蘇韻姿飾演）表白之後就沒有後續，直至朱天梯被提到去英國打官司至今都沒再出現，消失2個月，網民都很擔心他的去向。

{{hket:inline-image name="19.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

梁証嘉接受《晴報》訪問，表示只是被動地暫別劇組，實際原因不太清楚，亦未知歸期：「「我都覺得我喺《開心速遞》好耐冇出現，（離開）應該暫時啫，詳細原因就冇問清楚，可能《踩過界II》同《香港愛情故事》都有我，唔知係咪度期嘅關係；或者《開心速遞》有好多單元都好受歡迎，可能輪住寫？」被問到若能重返劇組，對新劇情有何期待，梁証嘉笑言：「想講我同細佬、阿爸，亦好想知TT嘅感情線係點，好想快啲拍番。我覺得成個製作團隊好好，我要更努力先可以同佢哋繼續工作，否則影衰佢哋。」

{{hket:inline-image name="11.jpg"}}{{/hket:inline-image}}

(梁証嘉Instagram截圖)

{{hket:inline-image name="17.jpg"}}{{/hket:inline-image}}

(梁証嘉Instagram截圖)

{{hket:inline-image name="18.jpg"}}{{/hket:inline-image}}

(梁証嘉Instagram截圖)

梁証嘉現年31歲，朋友對他入行很驚訝，他憶述：「佢哋話：『吓？你拍戲呀？得唔得㗎？』」

{{hket:inline-image name="14.jpg"}}{{/hket:inline-image}}

(梁証嘉Instagram截圖)

{{hket:inline-image name="12.jpg"}}{{/hket:inline-image}}

(梁証嘉Instagram截圖)

入行後，梁証嘉於《尖子攻略》演出幾突出，不過他指角色與他家庭背景很相似，所以不認為是演戲一種，直到於《巾幗梟雄》飾演敖嘉年、吳卓羲細佬才嘗到苦頭，他說：「成日被好多前輩鬧，嗰時覺得我係咪真係咁差，後尾見番個前輩，只記住佢幫過我。」另外，等戲拍的過程也令到他一度懷疑自己：「過程好辛苦，有啲失落...係咪我戲好屎？我啱啱讀完書入行，唔知呢行要等。」

去到《天與地》，梁証嘉殺死「家明」張景淳，與楊潮凱、羅鈞滿在山上分食其屍體，演出亮眼，惟之後7年他只獲派演閒角，令他陷入低潮，他坦言：「拍完《天與地》冇乜戲拍，之後係我最肥嘅時候，放肆咗、唔上進，冇人督促我，開始收埋自己...唔係走咗，只係冇人搵我拍戲。」後來梁証嘉北上拍劇，見到大陸演員的努力才知道不應輕言放棄，開始對演戲有信心。

{{hket:inline-image name="21.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(梁証嘉Instagram截圖)

2018年，梁証嘉回港首套作品就是《愛回家》，所以他很感激監製林建祥：「以前我好怕同監製傾偈，怕對唔熟悉嘅人表達自己，但祥哥好好，了解咗我，畀我做朱天梯，好多謝佢。」

{{hket:inline-image name="15.jpg"}}{{/hket:inline-image}}

(許家傑微博截圖)

而且，他也有個自中學結緣的老婆，他表示因為她才令自己有了方向：「我失意同唔開心，梁太都會陪住我，講建議畀我聽。當好迷失，佢又畀到好方法我。我唔會再咁易放棄，好似我依家都係被動，未寫我住，都係個難關嚟，但冇辦法，一定要堅持。」

{{hket:inline-image name="20.jpg"}}{{/hket:inline-image}}

(徐榮Instagram截圖)

撰文：張芷晴