新冠肺炎（武漢肺炎）疫情蔓延，TVB女星為咗防範病毒，都紛紛戴上口罩，汪明荃連做節目都戴住，唔怕一萬，至怕萬一。返到屋企終於可以除口罩，有班女星就大騷素顏，比侷咗成日嘅皮膚休息吓！佢哋時時都要保持最佳狀態示人，究竟邊個嘅素顏係最大分別？竟然係年僅26歲嘅蘇韻姿同埋29歲嘅張詩欣。
蘇韻姿
好似《愛．回家之開心速遞》嘅熊心如蘇韻姿做facial時就冇化妝，大大個熊貓眼，好彩做完皮膚變得光滑，即刻靚晒！
張文慈
張文慈真係keep得好好，唔怪得素顏拍劇都冇有怕。
何雁詩
何雁詩一樣呢排做運動嗰陣冇化妝，但黑眼圈都幾大！似乎唔多夠瞓。
陳凱琳
早幾日陳凱琳素顏慶祝囝囝1歲生日，貴為港姐冠軍真係好靚。
呂慧儀
呂慧儀同小蟹籽享受行山樂，再次大騷素顏，被網民讚好清純呀。
李施嬅
李施嬅唔化妝同化妝完全冇分別，好勁，唔講唔知佢已經39歲。
王卓琪
王卓琪近日常更新ig，講明：「不用化妝在家的日子，全靠濾鏡。」，好坦白，唔怪得好似冇落妝咁。
唐詩詠 黃翠如
近排唐詩詠同黃翠如為陳敏之慶生，佢哋素顏上陣，仙氣爆燈。
陳敏之
陳敏之去美容院時都有素顏，比較化妝後嘅佢更平易近人。
鍾嘉欣
鍾嘉欣唔化妝都靚，不過好似冇乜神氣。
朱晨麗
朱晨麗裸肌下仲感覺好水潤，令人羨慕！
楊柳青
楊柳青冇化妝有少少似全智賢，呢個真係估佢唔到。
李漫芬
李漫芬成日唔化妝，可以話完全冇分別，勁，唔知平時用開咩護膚品呢？
利穎怡
利穎怡唔化妝個樣後生咗好多呀，不如之後做主持都素顏出鏡？
陸詩韻
陸詩韻卸去妝容後成個人冇咩精神，不過輪廓仲好突出。
謝芷倫
謝芷倫有紋到眼線，不過都幾清秀，因為平時妝容比較濃同埋成熟。
張詩欣
張詩欣化妝同唔化妝猶如兩個人咁，點解素顏咁似中學生，朱凌凌你快啲揀佢，筍盤嚟呀！
鄭希怡
鄭希怡都趕上素顏潮，身為媽媽算係咁，大家又覺得佢點呢？
胡美貽
胡美貽果然係後生女，素顏無敵。
(所有圖片來源：各大藝人Instagram截圖)
撰文：張芷晴