溫碧霞拍西片老公囝囝巴黎探班

溫碧霞（Irene）早前到巴黎拍攝首部法國電影《Happy Night》，已順利完成煞科戲，其丈夫（Kenny）與兒子Xavier驚喜探班，Irene見到兩父子出現即刻甜到入心。她表示︰「佢哋出發前兩日先通知我，話飛嚟探班，好開心有啲驚喜，剛好我有幾日休息，可以一齊去玩。因為香港停課，Xavier唔使返學，飛嚟巴黎都好，呢度好舒服又唔使戴口罩，陽光、氣溫及空氣都好好。」

Irene又指與劇組相處愉快，已學識幾句簡單法文。而她享受完家庭樂之後，將會繼續留在巴黎出席時裝騷。