【新時代女性】李施嬅衝事業演藝投資瓣瓣掂 娛樂圈「黃金盛女」單身都精彩

「男人四十一支花，女人四十爛茶渣。」喺思想仍然係比較重男輕女嘅中國，女性只要三十歲仍未出嫁就會被標籤為剩女。不過香港女性一向自主又獨立，工作同經濟能力隨時比一般男性更加優勝。結婚生仔唔再係一個女人嘅「終生事業」，取而代之係好多女性更加想喺職場搏殺，建立事業。現代女性「遲婚」嘅現象愈嚟愈普遍，娛樂圈中唔少正值上位階段嘅花旦條件都非常好，不過佢哋都唔會為「出嫁」而着急，單身一樣可以過得精彩快活！

{{hket:inline-image name="6fbeb3e2-a690-4c38-a047-4bc0a1cd8795.jpeg"}}{{/hket:inline-image}}

（東星娛樂）

胡定欣

38歲嘅胡定欣話幾年前因為身邊朋友拍拖、結婚、生仔，令佢開始感覺到有壓力，但依家已過呢個階段，仲話最重要保持心境年輕，唔好成日諗自己歲數，仲話感情事急唔嚟，最重要找到對的人。

{{hket:inline-image name="84555456_539387426682136_2427926166027912476_n.jpg"}}{{/hket:inline-image}}

（姚子羚IG）

姚子羚

今件踏入4字頭嘅姚子羚話自己唔會被年齡框住，同好姊妹去玩時，依然會有小女孩嘅時候:「我覺得人生每一個時刻都要活在當下，想做就去做，唔好被年紀規範，無論20、40或60歲都可以間中與好友瘋狂飲醉一晚，開心就得。」佢話會朝「視后」方向進發，希望遇到屬於姚子羚嘅代表作外，仲想挑戰舞台劇和唱歌，另外佢仲有同拍檔合資搞首飾生意，單身算甚麼。

{{hket:inline-image name="58237c46-11a2-43b5-a1c5-64d9a8e2a2d1.JPG"}}{{/hket:inline-image}}

（東星娛樂）

李施嬅

39歲李施嬅離巢TVB進軍荷李活。演藝事業以外，2017年佢仲入股新創公司PAKT，經營提供衣物管家服務的生意。當時只成立一年多的PAKT，總投資額已達七位數字。另外又有涉獵美容及飲食業生意，仲有投資物業，好有生意頭腦。李施嬅希望將來嘅伴侶成熟啲，又話有能力嘅男朋友較富裕重要。

{{hket:inline-image name="e4330d92-c964-4e3c-9705-64db52c2ccad.JPG"}}{{/hket:inline-image}}

（東星娛樂）

唐詩詠

38歲唐詩詠同洪永城甩拖之後一直都冇著落，身邊嘅朋友同爸爸都替佢着急，想佢快啲搵到真命天子。不過佢自己覺得就覺得隨緣，自覺女人無論身處邊一個年齡層，皆要抱住學習心態。佢話自己反而依家會相對以前會花更長時間去認識同溝通約會對象，又話唔會因為拍拖而減產，會繼續自己嘅生活。愛情空白期令佢「學懂愛錫自己」。

{{hket:inline-image name="c3530b30-d7d2-4e92-bce2-823f52dd0cb2.jpeg"}}{{/hket:inline-image}}

（東星娛樂）

佘詩曼

佘詩曼係香港首位兩次獲得「雙料視后」嘅女演員，亦喺亞洲等地多次封后，兩年前更成立工作室。佘詩曼曾幾度放棄做少奶奶嘅機會，選擇事業。不過佢並冇後悔，因為佢喜歡工作，亦從工作中得到快樂。佢認為人生係要作出取捨，當時佢追求事業，要去到盡達到目標，先會不枉此生。佢覺得花咗時間喺事業上，未獲外界認同前，唔想分心發展其他事。

撰文：黃蘊姿