互撑！盡做！

一星期前

「每當環境愈脆弱，我們就愈要發揮自身的影響力，繼續向前走，大家要自助、自救和自強。」曾俊華先生用來鼓勵香港人的短片（雖然是跟虛擬保險公司合作，我卻不會視之為廣告片，圖１）明明拍得普通平穩，樂觀正面的笑容又太多，但依然睇到眼濕濕，之所以感動，可能因為太傷心。一字一句簡單直接，沒煽情沒嗌晒口號，卻見親切、坦誠和信任，這些市民的最基本需要，今時今日難求過口罩。bit.ly/2vXBVDF

問︰「其實佢已離開政府一段日子，仲做咁多嘢？」答︰「我哋不能夠排除有很多人真心想為香港做一點事的。」TRUE！身邊不少朋友也正在以自己的能力和影響力，大有大做，細有細做啊！不是人人都是曾俊華、李嘉誠、沈祖堯、何栢良，但前輩B慷慨出錢捐贈口罩、客戶L落區親手派搓手液、好友C專誠幫襯外賣自取，支持消費；行山、行街都不會隨便丟棄用過的口罩，不盲搶囤積日用品，不亂傳真假難分、充滿仇恨的消息。就算唔盡做，都可以盡下本份。

2小時前

電影《Wag the Dog》（圖２），1997年的黑色政治喜劇，現在依然啱睇，世事都被它看透了。政權操控下，眼見全不為實，一切只是精心布局的假象。故事講述美國總統於大選前夕陷入性醜聞，危機處理高人羅拔迪尼路找來荷里活電影監制德斯汀荷夫曼，製造戰爭假新聞，一於拍戲咁搭晒場景、搵晒talents、影像剪接合成，呃晒所有人！對白好「啜核」，尤其係「一定要有首歌」，用來激發情感，愚弄民心。最終成功轉移公眾焦點，贏晒支持率！但無論有幾大功勞，當你唔肯跟着劇本走，只有「被」病發，死咗都唔知乜事。太誇張？Well……

（本欄逢周二刊登）