港大推網上教程 幫中學生在家學習

全港停課近一個月，黛安知道好多同學仔都會「停課不停學」，最近港大為咗鼓勵中學生停課時繼續學習，推行一系列網上支援計劃，包括由多位港大名教授講授有趣味性，又適合中學生嘅網上課程，仲特別為應屆DSE考生推出「狀元網上開Live」，由過往攞到優異成績嘅港大同學分享溫書心得。港大學生大使亦都自發喺IG推出「IG功課問答室」，解答同學溫書遇到嘅問題。

聽公關姊妹講，呢個課程平台「港大線上課」提供嘅免費課程，涵蓋醫學、經濟同人文學科等多個範疇。部分綫上課程包含評核部分，同學完成評核後可獲相關證書。評核部分雖然需要收費，但係「HKU Academy for the Talented計劃」會資助缺乏網上教學資源嘅學校，幫助學生取得證書。有興趣嘅同學仔可留意https://www.instagram.com/hkusa.dseteam/。