鄧健泓鬧喊老婆石詠莉

石詠莉（Sukie）本月初與唱片公司和平解約後，目前轉做獨立歌手，頭炮是在微電影《DREAMS COME TRUE》一人分飾兩角，由老公鄧健泓（Patrick）擔任導演，作品已報名參加第7屆微電影「創+作」支援計劃（音樂篇）比賽。

對於夫妻檔再合作，Patrick十分欣賞太太，他讚道︰「每次同老婆合作都得心應手，因為我太了解佢，佢又好專業，今次有場撞車戲拍通宵，嗰晚拍落雨戲又凍又趕時間，Sukie要濕身，成頭血漿又瞓地，但佢無怨言，工作態度好好。今次好多謝Don（李日朗）幫手，老婆成日話要搵個靚仔做主角，相信佢好滿意。」

不過，身為導演的Patrick是個緊張大師，試過在拍攝期間整喊老婆，他爆料稱︰「有一場戲喺洗衣店拍，嗰日我好大聲同Sukie講：『唔好掂枱上啲嘢』，佢覺得我好惡，當場就喊，停咗機六分鐘等佢……當然之後我要道歉啦。」