【聲明】港生活網站並無進行電話推廣活動

疫情下唔敢去醫院 余德丞覆診無限期押後

發佈時間: 2020/02/26

余德丞(Dickson)前晚在電視城錄影遊戲節目,受新冠肺炎疫情影響,曾踢波陷入昏迷的他,原定下月到醫院覆診,已聽從醫生建議延期,自己亦減少與異性朋友聚會。

提到疫情影響工作,余德丞坦言原定本月為運動品牌拍硬照廣告,但已押後至四月才開工。Dickson目前積極做YouTuber消磨時間,但拍片話題亦因疫情縮窄:「原本想講下足球,但係康文署轄下嘅球場都無開,介紹食肆又唔太適合。」問他如何打發時間?他說:「我同表弟去私人球場踢波,得幾個人啫,好耐無踢,要止下腳痕,同埋依家去行山仲多人過銅鑼灣。」

怨周秀娜唔約行山

除了工作,Dickson透露原定下月到醫院覆診,亦因疫情而延期。他說:「醫生話我(心臟)無乜大礙,所以遲啲先覆診,唔好有咩危險,依家無限期押後。」提到緋聞女友周秀娜亦要撲口罩,Dickson說︰「我唔知佢無口罩喎,佢連行山都無叫我,住咁近都唔約埋我行山,唔通我約佢打邊爐咩!」

約蔡思貝先問胡鴻鈞

問Dickson會否減少跟異性約會?他笑說:「朋友唔係男就係女,以前一星期約足五日,依家約一日。」他笑言與好友蔡思貝慶祝生日,也遲足一個月才成事。約蔡思貝是否要經對方的緋聞男友胡鴻鈞才約到?Dickson笑說:「等我試下先,約到通知大家。」不過昨日有周刊報道,蔡思貝拍攝《踩過界II》時,與男主角王浩信再度合作,令二人緋聞再次翻炒。

採訪︰Pauline

攝影︰林良明

編輯:李潔盈

美術:梁政敏

蔡思貝(資料圖片)