鄭裕玲（Do姐）、麻利亞和余迪偉主持的電台節目《口水多過浪花》，今日下午邀請到文雪兒擔任嘉賓，Do姐在節目開始前，特別在Facebook上載多張舊相，有不少文雪兒過往的劇集造型照之餘，更有一張超爆的泳裝合照。相中文雪兒和Do姐穿上連身泳衣在水池邊合照，以超級素顏向鏡頭回眸一笑，少女味濃超pure。Do姐說：「到底咩事我哋要著泳衣？仲要妝都唔化咁！」文雪兒直認印象模糊，實在想不到為何會影這張合照。
Do姐在節目中說：「我同文雪兒真係幾十年冇見，依家都有少少感觸，我成日同呢班人（麻利亞、余迪偉）講我以前做佳藝電視，佢哋都係點點頭，根本唔知我講咩，我終於搵到一位曾經喺佳視同我共事嘅人嚟節目。」她們直言當年沒有機會合作，但憶起佳藝電視的日子，還大讚當年公司餐廳的飯菜質素非常不錯。
相關新聞：【晚間看地球】同Do姐10年拍檔火花十足 盤點農夫窒頭窒勢爆笑金句
(圖片：鄭裕玲IG)
(圖片：鄭裕玲IG)
(圖片：鄭裕玲IG)
(圖片：鄭裕玲IG)
文雪兒表示當年為了演戲的興趣，膽粗粗到廣播道電視城排隊，沒想到兩次面試就成功入佳視做劇集的女主角。當時入行隨即爆紅，又跟張國榮做熒幕情侶，她笑言：「嗰時大家年紀都後生，我同佢成日都鬧交，不過佢真係好鍾意唱歌，我又係『睡寶』成日要瞓覺，佢一唱，我就叫佢唔好嘈。」
提到當年佳藝於1978年倒閉，文雪兒當日凌晨仍然通宵在拍外景戲，全被蒙在鼓裡，她說：「當年演員繼續有糧出，我又日日夜夜都拍戲，真係唔知會執笠，同埋我太細，當年只有18歲，返到屋企掛住瞓覺，天跌落嚟當被冚。麗的電視即日搵人去我屋企附近搵我簽約。」
相關新聞：【黃金有罪】文雪兒修復失婚之痛終尋真愛 「兩個女感情觀比我仲成熟」
(圖片：《口水多過浪花》節目Facebook）
(圖片：《口水多過浪花》節目Facebook）
(圖片：《口水多過浪花》節目Facebook）
麻利亞搞笑邀請文雪兒節目完畢之後重遊「古蹟」，Do姐解釋：「由於以前老闆都係佳藝電視嘅老闆，當年二樓有條天橋互通兩邊，不過易手之後就封返，依家公司二樓電梯口仲有個門，不過天橋就已經清拆，唔緊要，最重要係大家記憶都喺度。」Do姐直言多年來沒有機會跟文雪兒合作過，TVB都見過幾次又沒有機會打招呼，今次在節目中實在是難得聚首的機會。
（圖片：鄭裕玲ig)
撰文：楊安莉