【聲明】港生活網站並無進行電話推廣活動

自封《愛的迫降》「玄坤」 吳業坤︰大家套軍人衫幾似

發佈時間: 2020/03/02

吳業坤(坤哥)、黎諾㦤及林德信前晚錄影《流行經典50年》,坤哥日前將自己《大醬園》的軍人造型,與韓劇《愛的迫降》玄彬比較,更自封「玄坤」,嚇親一眾「玄太太」。坤哥解釋在疫情下,希望搞笑一番,讓網民開心一下。

吳業坤笑言今集節目以「男神」為主題,所以忙於準備新劇,也要抽空出席錄影。提到他與型佬王敏德同場,坤哥搞笑說︰「好啱數,我哋係唔同魅力嘅靚仔,我喺兩、三個粉絲心目中都係男神!」

早前坤哥將自己在《大醬園》的軍官look跟韓國男神玄彬比較,坤哥說︰「我被朋友鬧爆,不過我都係想大家開心下,又咁啱煲緊劇。我覺得我哋都係演軍人,套軍人衫同皮帶扣都幾似。其實大家笑下都幾好,因為(疫情下)日日都好悶。」坤哥將在新劇中,與身材驕人的黃文意演夫妻,他希望彼此擦出火花︰「唔知有無親熱戲,監製話搵我同黃文意做對手,係益咗我。」

黎諾懿自認五音不全

同場的黎諾懿笑言,一見到坤哥在場,即感覺「男神」定義各花入各眼。他講笑說︰「我個樣贏坤哥,起碼唔使戴眼鏡,年紀同輩份都贏佢,但佢好有才華。」黎諾懿自認五音不全,但要與薛家燕及黃祥興合唱國語歌︰「我本身唱歌都有問題,仲要唱國語歌,真係難上加難。其實無乜必要我都唔唱歌,自己知自己事。」

撰文︰Pauline

編輯︰李潔盈

美術︰梁政敏

自封《愛的迫降》「玄坤」 吳業坤︰大家套軍人衫幾似

黎諾懿大讚坤哥行可愛開心路綫。

自封《愛的迫降》「玄坤」 吳業坤︰大家套軍人衫幾似

坤哥自信地與玄彬(右)相比,笑言被身邊友人鬧爆。(IG圖片)