新冠肺炎（武漢肺炎）疫情肆虐，情況最嚴峻嘅中國大陸好多企業都仍未復工。好多藝人亦都無奈停工，盡量留喺家中避炎，近年將工作重心移咗去大陸嘅陳偉霆（William）都唔例外，見佢近日上載到個人社交平台嘅近況都不外乎陪吓屋企人，同埋陪狗狗玩。
{{hket:inline-image name="6613c235ly1gcec236i14j21e01uo1kz.jpg"}}{{/hket:inline-image}}
（陳偉霆微博）
日前William喺社交網上載咗一條佢同狗狗玩嘅片，無意中將佢嘅豪宅曝光。片中見佢屋企布置簡潔，望落好溫馨、舒服，個客廳大到可以同狗狗「賽跑」，中間仲放咗張足夠瞓幾個人嘅巨型梳化，而牆上嘅投影屏幕最少都過百吋大。同狗狗追逐期間仲影到佢屋企起碼有兩條樓梯，換言之即係佢屋企起碼有3層！
{{hket:inline-image name="1.JPG"}}{{/hket:inline-image}}
（陳偉霆微博）
{{hket:inline-image name="11.JPG"}}{{/hket:inline-image}}
一條樓梯……（陳偉霆微博）
{{hket:inline-image name="13.JPG"}}{{/hket:inline-image}}
兩條樓梯。（陳偉霆微博）
{{hket:inline-image name="3.JPG"}}{{/hket:inline-image}}
唔使出街都運動量十足！（陳偉霆微博）
{{hket:inline-image name="6613c235ly1gcda3l91f0j22c03401kz.jpg"}}{{/hket:inline-image}}
偉霆與狗。（陳偉霆微博）
片中仲見到佢屋企有落地玻璃門窗，喺佢上載嘅另一啲相見到佢媽媽喺一個超大露台同狗狗玩拋波，背景係超開揚無敵大海景，真係住過世都願呀！
{{hket:inline-image name="6613c235ly1gcda3k23mrj229930ce82.jpg"}}{{/hket:inline-image}}
（陳偉霆微博）
{{hket:inline-image name="6613c235ly1gcda3j4u70j22a631jhdu.jpg"}}{{/hket:inline-image}}
（陳偉霆微博）
據知William嘅身價好早已突破1億港元，2013年佢初初拍內地劇《古劍奇譚》酬勞為100萬元人民幣（約110萬港元）。不過William憑呢套劇喺內地爆紅，2015年接拍《老九門》時身價已躍升50倍，據聞酬金已達5,000萬元人民幣（約5,600萬港元）。
{{hket:inline-image name="U5912P28DT20140718152029.jpg"}}{{/hket:inline-image}}
《古劍奇譚》令到William爆紅。（網上圖片）
直到2017年大陸已經有人開出9,000萬元人民幣（約1億港元）斟佢拍一部電視劇，仲未計佢手上嘅多個代言同埋廣告等收入，吸金力之強真係無法想像！
{{hket:inline-image name="6613c235ly1fiw2pukg9ij20mi0u04cu.jpg"}}{{/hket:inline-image}}
搵到錢都同媽媽同住等佢享清福，孝順仔嚟嘅！（陳偉霆微博）
睇番資料，William喺上年《福布斯中國100名人榜》，排名第23位，喺佢之後嘅香港藝人古天樂都排到第51位，William上咗大陸發展真係名利雙收！
{{hket:inline-image name="6613c235ly1gcec244fwfj21e01uo1ky.jpg"}}{{/hket:inline-image}}
得閒又識得Post Chok相派軍糧，抵你喺大陸咁受歡迎！（陳偉霆微博）
撰文：黃蘊姿
