拍《陀槍V》演火爆反派 鄭俊弘︰一停機就爆粗

鄭俊弘（Fred）昨日以清爽新髮型現身商台，原來他剷短頭髮以配合新劇《陀槍師姐2020》的社團大佬角色。首次扮反派的他大呼過癮，雖然沒粗口對白，但他笑言cut機後會忍不住講粗口。

鄭俊弘昨日到電台宣傳新歌《不要流淚》，提到為了第五輯《陀槍師姐》剷短頭髮，Fred說︰「起初都唔習慣剪得咁短，不過洗頭都好快乾。」他在新劇中演社團中人，首度演反派的他表示相當好玩︰「平時都係演正經同斯文嘅角色，但今次有機會演憤怒、火爆一面，可以講平時唔會講嘅鬧人說話同語氣。」

Fred又謂劇中與羅仲謙及洪永城的對手戲最多，他會與洪永城爭做社團大佬，但由於電視尺度關係，對白只會比較粗鄙，不會有粗口。問拍攝時可有爆粗？他笑說︰「cut機之後同洪永城就有（爆粗）。」

被何雁詩取笑扮死屍

Fred有份演出的《法證先鋒IV》正熱播，他回憶當年只得20歲、剛從藝訓班畢業，便有幸參演頭兩輯《法證先鋒》，但未婚妻何雁詩毫不知情。他說︰「我同佢（何雁詩）講我之前有份拍，佢竟然反問我係咪扮死屍，其實我演蒙嘉慧細佬，要搵啲舊片畀佢睇，佢扮細話未睇過，幾過分。」不過他坦言以往經常扮死屍，更試過一日內，在三部劇中扮演清兵、明朝士兵及村民死屍。

另外，去年與星夢娛樂約滿的何雁詩，昨日宣布下周三將正式以獨立歌手身份，推出新歌《致有夢想的人》。她在IG表示下周三正是何媽媽生日，所以選擇在當日出歌︰「我做咗27年人都無咩出色的生日禮物送畀我媽咪，希望今年特別啲，送首歌畀佢。」

採訪︰Pauline

編輯︰李潔盈

美術︰梁政敏

攝影︰林良明