【新冠肺炎】疫症下丈夫被禁陪產探病 產婦戴口罩生B 孤身作戰實錄大公開

新冠肺炎（武漢肺炎）疫情肆虐，本港公立醫院於今年1月26日起暫停探病及陪產，一眾孕婦變相要孤軍作戰，無不為此感到擔憂。有產婦指日前在公院生產時不但沒有丈夫陪產，還要全程戴著口罩，形容過程孤單又辛苦，十分難忘。

老公禁入產房陪產

產婦Molly上月底於網誌發文，分享於伊利沙伯醫院生產第二胎的親身經歷。她表示雖然老公有一同入院陪伴待產，但除了辦理入院手續外，大部分時間都要孤身上陣，

「其實我間中陣痛，都好需要有老公依靠。完成入院手續，拎埋排版後，老公只可以陪我去到産前病房門口，就要將行李交俾（畀）姑娘。」

Molly指，由陣痛到穿羊水、上產房，歷時大約5小時，「生二寶，痛嘅速度都快咗，痛到大概4點幾5點穿水，搞完一輪上産房催生」，其後便要開始孤軍作戰。

戴著口罩生BB

Molly稱為保障安全健康，無論陣痛有幾痛，她全程都需要佩戴口罩，不能除下，

「重點嚟啦，仲戴住口罩，咁QE仲有無笑氣㗎？答案係，仲有笑氣（一氧化二氮），放題任吸。但産婦要戴住口罩咁吸，我覺得係比起上胎用更大嘅力去吸先吸到笑氣。」

整個生產過程又痛又累，Molly指自己與丈夫都有點難過，

「疫症期間老公無得陪産，幾痛都要獨力承受，好想揾個人依靠、搣、扭、鬧都無；不過明白老公都好唔開心，自責自己陪唔到産。」

產後禁探病 只可於病房門口交收物資

為免增加新冠肺炎傳播的機會，醫管局早於1月26日已暫停探病安排；即使產婦有物資需要，家人亦不能拿進病房。Molly提醒：

「如果有物資想要，可以叫老公或屋企人拎到病房門口交收，又或者講清楚床位，俾（畀）姑娘轉交。如果屋企人未趕得切拎物資（例如零食），都可以問姑娘拎餅同奶充飢。」

BB輕微黃疸 母女留院3日終出院

歷時10小時孤身誕下女兒後，由於女兒有輕微黃疸，醫生建議兩母女都留院觀察；而Molly為保安全，除了食飯及飲水外，其餘時間全程戴著口罩。留院3天後，女兒健康狀況理想，醫生指兩人均可出院回家，終可一家團聚。

內容及圖片由《和牛b的成長日記》 授權轉載

最新口罩供貨消息：

【不斷更新】口罩最快明日有貨 各大商戶最新供貨詳情

撰文︰賴天兒

精選健康知識，盡在 Healthy Life 健康男女

https://fb.com/HealthyLifeExpress/