伍詠薇孭飛ViuTV直播綜藝節目 視迷︰新嘗試，加油！

伍詠薇（伍姑娘）為ViuTV主持的全新直播綜藝節目《埋嚟睇埋嚟玩》前晚開播，首集一班主持與家庭觀眾互動帶動氣氛，不過伍姑娘被批轉數不夠快，昨日傍晚她開FB Live檢討，直指「有意見好過無意見」，粉絲撑伍姑娘炒熱話題已成功；有觀眾則嫌節目內容鬆散！

由伍詠薇擔大旗，帶領ViuTV幾位新人做主持的半小時直播節目《埋嚟睇埋嚟玩》，節目除了介紹香港、韓國及台灣等地的吃喝玩樂情報及奇人趣事，每晚公布一條問題，觀眾可以透過節目提供的Whatsapp號碼提交答案，節目完結前會選出四位最有創意的參加者，可以瓜分$4,000獎金。

前晚播映首集，外景主持余逸思帶觀眾到韓國的蟹店分享放題攻略；夏雨囝囝黃奕晨則帶大家到台灣的女性胸部按摩店，訪問當地知名胸部按摩師。節目又找來瑜伽導師林芊妤（Coffee），即場教導豐胸運動，內容十分多元化。首集尾聲的遊戲環節，眾主持打電話給觀眾何先生，他回答當晚問題「最想任食啲咩」時，答案是「阿嫲整嘅南乳炆鵝」，伍估娘追問︰「點解你答想任食阿嫲整嘅南乳炆鵝？」何先生回答︰「因為已經無機會再食喇！佢已經上咗天堂！」

認首集重介紹 表現緊張

伍姑娘聞言即大膽提議︰「咁你可以學整嘛！你唔識我嚟教你整，好唔好？」何先生興奮高呼︰「好呀！」輕鬆緩和氣氛，不少粉絲堅信有伍姑娘領軍，節目會漸入佳境；有人卻不滿節目混亂欠重點。

昨日傍晚伍姑娘開FB Live為首集作「賽後檢討」，她稱︰「第一集介紹出場及環節，較緊張，問題可能多少少，有意見好過無意見，我哋會認真做，希望大家鼓勵及畀意見，睇住我哋進步！」對於有指不尊重觀眾何先生，她簡單回應︰「我個答案確實表現得EQ唔夠高，第一次做節目，個段有少少Happy Problem，有少少聽唔切，以後會改善及唔好太緊張。」

撰文︰Steven、Pat

協力︰Terri

編輯︰黃寶恩

美術︰Simon