《法證先鋒IV》叫好又叫座，收視節節上升，令一眾參與的台前幕後都非常鼓舞，特別是今次不同單元的演員在戲份上都有所發揮，戲味十足。由黎燕珊和楊潮凱主演的水泥男童屍單元剛剛播完，故事最終在淚海入面完結，觀眾以為可以緩和心情？沒想到昨晚一集尾段，徐意（湯洛雯飾）向高安 (黃浩然飾）坦白自己跟他妹妹高善的失蹤有關，更道出當時事發的經過同高善隨後的下落。原來高善被擄走後，困在黑暗的房間，哭哭啼啼要見媽媽同哥哥，以髮夾相贈叫徐意放她出去，飾演妹妹童年的小演員叫林靖文（Sophia）全程都爆喊，眼淚珠不停落下，睇到觀眾非常心酸。
相關新聞：【法證先鋒IV】網民笑爆高安媽媽原來係被殺？ 劇中暗藏2大「甩轆」位
徐意向高安坦白自己曾經幫手擄走他的妹妹。(圖片：《法證先鋒IV》截圖)
當日兩兄妹去玩。(圖片：《法證先鋒IV》截圖)
妹妹突然被擄走。(圖片：《法證先鋒IV》截圖)
高善被困，隨後被賣。(圖片：《法證先鋒IV》截圖)
小徐意都好可愛。(圖片：《法證先鋒IV》截圖)
小高善喊到咁，睇到人心都赤赤痛。(圖片：《法證先鋒IV》截圖)
小小年紀可以演得咁逼真。(圖片：《法證先鋒IV》截圖)
原來呢場戲，靖文喊足幾個鐘頭。(圖片：《法證先鋒IV》截圖)
林靖文現時只是10歲，不過她演戲的經驗已經非常豐富，相信大家在不少劇集都見過她的演員，《鐵探》、《超能爸爸》、《不懂撒嬌的女人》、《再創世紀》等都有演出，在電影《告別之前》扮演5歲患血癌的小朋友，很多觀眾都被她的演技所感動。
今次靖文演出成功，原來全賴靚靚媽咪。靖文媽媽接受《晴報》電話訪問，她表示靖文是樂天的小女孩，要學會演喊戲絕對不容易，她說：「其實以往都係演開心笑嘅戲多啲，或者拍廣告咁樣，後來試戲要喊，我就叫佢幻想媽媽要離開佢，咁佢就喊得好叻。今次《法證先鋒IV》我事前同佢講，佢最心愛嘅企鵝公仔爛咗，佢真係諗起就喊。雖然場戲唔係好多，不過要配合另一位小演員，所以最後靖文喊足幾個鐘。」
靖文原本性格好樂天，媽媽話佢好少喊。(圖片：林靖文Facebook）
被劉德華攬住，好幸福。(圖片：受訪者提供）
靖文曾經在《詭探前傳》中演出，跟鄭少秋有對手戲。(圖片：林靖文Facebook）
在微電影《骨肉香》中跟黎瑞恩和鮑起靜合作。(圖片：林靖文Facebook）
靖文拍攝過《果欄中的江湖大佬》。(圖片：林靖文Facebook）
網劇《機動部隊》跟蔡卓妍碰面。(圖片：林靖文Facebook）
釗峰MV都有拍呀，連靚靚媽咪都一齊合照。(圖片：林靖文Facebook）
靖文的姊姊泳潼同樣是小演員，大家都一樣咁叻！（圖片：林靖文Facebook )
跟靖文合作過的演員或者幕後工作人員都對她讚口不絕，特別是影后惠英紅。紅姐拍攝《鐵探》時看得出靖文的潛質，事前試戲時教她如何去演好，沒想到最終能夠一take過完成，全場工作人員拍爛手掌。靖文媽媽說：「佢真係好鍾意演戲，多謝好多助導同埋導演賞識，一個傳一個咁去用靖文呢個小演員，原本佢馬來西亞有部電影3月開工，不過因為疫情而暫緩，都幾可惜。」
相關新聞：【法證先鋒IV】蘭姨慘痛經歷害死親生仔勁催淚 黎燕珊素顏喊戲獲網民激讚
至於到底高善長大後是誰？原來高安多年來尋找的高善的確未死，長大後就是由張曦雯演繹，跟家人失散後，被賣到另一個家庭，成為Michael Ma（張頴康飾）的養妹，事隔23年任職空姐同兼職模特兒，相信劇情往後會安排她跟親哥哥高安相遇和相認。
（圖片：TVB《法證先鋒IV》劇照)
撰文：楊安莉