近日，網民喺facebook搞投票活動，民選出《愛．回家之開心速遞》好老婆排名，點知結果同早前《愛回家》女神排名截然不同。以女神嚟講，群姐（許思敏飾演）排第1，而第2至第4名嘅勝出者分別係熊若水 (呂慧儀飾演）、池美麗 (鍾凱琪飾演）同食屎陳師奶（孫慧蓮飾演）。但好老婆嚟講，就係熊心如（蘇韻姿飾演）屈居第4、食屎陳師奶同熊若水分別穩守第3同第2，第1名竟然由Bonnie（林凱恩飾演）得到！
第1位：Bonnie
鍾意Boinne嘅網民話佢青春美麗，雖然佢曾挪用熊尚善（滕麗名飾演）個筆名，陷害過Venus（鄺潔楹飾演），不過無損大家對佢嘅喜愛，全因佢係「島大四美」，又係生物化學系博士生，美貌與智慧並重，唔怪得朱凌凌（吳偉豪飾演）曾愛上佢，小朋友技安都鍾意佢。同咗金城安（周嘉洛飾演）一齊後，Bonnie初初對佢唔係咁好，被朱凌凌鬧完，佢終於冇辜負譚道德（陳榮峻飾演）、譚何容儀（吳香倫飾演）嘅教導，喺大小事務上都好幫到安仔！
(林凱恩instagram截圖)
(TVB電視截圖)
(TVB電視截圖)
(TVB電視截圖)
{{hket:inline-image name="22.jpg"}}{{/hket:inline-image}}
(TVB電視截圖)
(TVB電視截圖)
第2位：熊若水
鍾意熊若水嘅就咁留言：「梗係樣索身材正嘅水水」，事關佢試過被人以20萬邀請拍豐胸廣告，證明佢幾掂。仲有，唔止博士（馬貫東飾演）暗戀過佢10幾年、細龍生（鄭世豪飾演）同過佢拍拖，一度成為其未婚夫，連曹總（劉一飛飾演）都為咗佢付出好多心機同錢。同咗龔燁（張景淳飾演）一齊後，熊若水曾經甘願放棄最愛嘅名牌袋，甚至好體貼照顧佢嗰個腦退化症嘅老竇龔友（蔡國慶飾演），被佢當係工人咁使，咁好嘅女仔應該快啲娶。
(呂慧儀instagram截圖)
(呂慧儀instagram截圖)
(TVB電視截圖)
(TVB電視截圖)
(TVB電視截圖)
第3位：食屎陳師奶
網民話揾著數人妻就係食屎陳師奶，事關年輕時佢同嘉玲有索爆姊妹花之稱，雖然依家年紀大咗但魅力不減，曾吸引熊樹根（劉丹飾演）叫佢扮女朋友。有次陳師奶唔喺身邊，樹根想搵群姐代替，但腦裡面不斷浮現陳師奶嘅身影。如今熊家有咩問題搵陳師奶，佢都會幫手，仲成日整拿手鹽焗雞畀大家食，唔怪得啲網民流晒口水。
(TVB電視截圖)
(TVB電視截圖)
第4位：熊心如
熊心如係博士生，而且係補習社老闆兼補習老師，係個好聰明嘅女仔。佢曾經參選勁靚天使，好大機會拎冠軍，只係被人陷害先會落選，但證明佢條件好好。雖然熊心如好多時要熊家人照顧，不過部分網民們就係睇中呢點，覺得喺佢面前特別man，最重要係佢戀愛經驗少，只係同過池子孝(阮政峰飾演)拍拖同埋明戀朱天梯(梁証嘉飾演)為人長情專一，係做老婆必要元素。
(蘇韻姿電視截圖)
(TVB電視截圖)
(TVB電視截圖)
第5位：Icy（岑杏賢飾演）
第6位：垃圾清 (周梓盈飾演）
第7位：大小姐 (林淑敏飾演）
第8位：三太太 (樊亦敏飾演）
第9位：Mandy (謝芷倫飾演）
第10位：池美麗
撰文：張芷晴