中二生雞丁rap歌憑3點一夜爆紅 陳法拉點名力讚：最鍾意你...

自從網紅呢個行業興起，依家好多新一代年青人嘅夢想工作都係想做YouTuber，佢哋唔少未畢業已經經常拍片放上網分享個人生活。就好似呢排有個12歲嘅中二學生「雞丁」，就將外國歌手Taio Cruz首歌《Dynamite》，以舊曲新詞創作咗《武漢肺炎》，rap住咁講吓對新冠肺炎（武漢肺炎）疫情嘅睇法同生活上嘅改變。

{{hket:inline-image name="113.jpg"}}{{/hket:inline-image}}

(影片截圖)

{{hket:inline-image name="17.jpg"}}{{/hket:inline-image}}

(影片截圖)

{{hket:inline-image name="12.jpg"}}{{/hket:inline-image}}

(影片截圖)

由於《武漢肺炎》好受歡迎，連帶「雞丁」另一條片《生活》都突然被網民瘋傳，「雞丁」嘅頻道由幾百個訂閱人數，瞬間升至過萬。由於佢裡面有幾句歌詞提到：「我行出街又有啲HIGH，走入百佳突然見到陳法拉」、「我行出街又有啲HIGH，入MTR突然見到陳法拉」、「我行出街又有啲HIGH，喺銅鑼灣突然見到陳法拉」。

估唔到陳法拉聽完好開心，即刻轉貼「雞丁」的影片，仲點名力讚：「小朋友你好得意呀！睇完你rap生活都好完美，加油！最鍾意你當咗我係你街坊 #雞丁 #rap #madeinhongkong #youtubestar #creativekids #樂觀啲生活就會好完美。」事後「雞丁」好冷靜咁只係回應咗陳法拉一句：「THX」。

{{hket:inline-image name="13.jpg"}}{{/hket:inline-image}}

(影片截圖)

{{hket:inline-image name="14.jpg"}}{{/hket:inline-image}}

(影片截圖)

{{hket:inline-image name="15.jpg"}}{{/hket:inline-image}}

(影片截圖)

{{hket:inline-image name="16.jpg"}}{{/hket:inline-image}}

(影片截圖)

{{hket:inline-image name="11.jpg"}}{{/hket:inline-image}}

(陳法拉instagram截圖)

除咗因為有陳法拉加持，令到「雞丁」爆紅嘅原因最重理都係因為佢自己，雖然佢嘅音準欠奉，不過歌詞非常貼地，講晒香港人嘅心聲，例如「我仲後生我唔想好快死」、「喺屋企我可以做乜」等。

另外，「雞丁」原來仲一腳踢自己整晒條MV，年紀輕輕就識得喺唔同角度、唔同地方取景拍攝，仲要加埋字幕，同埋最考功夫嘅剪片步驟佢都完美搞掂，唔怪之得網民都話佢係不可多得嘅人材。更重要嘅係，「雞丁」非常有勇氣，就算知道要面對大家嘅評論，都堅持要做想做嘅事，呢啲先係香港人精神！

對於自己一夜爆紅，「雞丁」又係點睇呢？日前佢拍片直言對爆紅現象不知所措，佢又認為出名只係暫時：「其實我覺得紅呢，佢爆完就冇，爆紅完之後就唔會爆，所以我覺得可能呢個趨勢一陣間就冇，大家都覺得我會去到10萬訂閱，我覺得係冇咩可能。」由於佢謙虛得嚟仲成熟過好多大人，結果引來更加多網民追捧同支持佢。

《晴報》以短訊邀請雞丁做訪問，他回覆時表示：「依家平日都要跟足時間表網上上課同泳隊訓練。好難安排時間...」睇嚟「雞丁」前途無可限量啊！要加油！

{{hket:inline-image name="18.jpg"}}{{/hket:inline-image}}

(影片截圖)

撰文：張芷晴