海俊傑奉旨與李施嬅擦火花

海俊傑（海仔）近日頻頻為新劇《法證先鋒IV》造勢，同時亦要宣傳他與李施嬅合唱的派台歌《二次緣》。李施嬅目前身在加拿大拍攝劇集《Blood & Water》，單拖宣傳的海仔提到二人在《法證IV》的感情綫時，大讚老婆懂得以大局為重，「開綠燈」讓他拍談情戲，沒半點醋意。

《法證IV》收視創佳績，海仔表示十分滿意︰「大部分網民都係讚，好多謝小青姐（總監製梅小青）畀呢個角色我。」海仔早前經常與拍檔李施嬅一齊宣傳，加上劇中又有感情戲，問到老婆可有呷醋？他笑言︰「咁又無，老婆喺舊年情人節，仲好大方叫我約施嬅去拍拖增進感情，呢方面我哋分得好清楚。佢勸我以大局為重，嗰陣拍緊《法證IV》，覺得同施嬅之間嘅火花唔夠，可能係初次合作未算太熟，連老婆都話差啲默契，見到好似有層隔膜喺中間咁。（施嬅豈不是做咗小三？）都係講笑啫！拍戲投入啲，之後又有溝通，同埋搵啲愛情片做參考，施嬅係一個專業演員。」

與Aka合唱保良騷

當問到是否私下約會施嬅來增進感情？海仔笑言最終都沒有約會，並透露本周六晚在《星光熠熠耀保良》將首次獻唱《二次緣》，可惜施嬅不在港，會改跟Super Girls的趙慧珊（Aka）合唱，海仔說︰「係有啲可惜，但都無辦法，我相信同Aka唱都會有火花。」

撰文︰Pauline

編輯︰陳禮恒

美術︰梁政敏