新冠肺炎疫情持續,大家都各出奇謀抗疫自保,藝人馬德鐘同老婆張筱蘭決定與炎共存,無懼疫情,遊勻半個地球,近日更到達已有確診個案嘅尼泊爾同澳洲,之後再去埋斐濟!
(微博圖片)
張筱蘭在微博分享多張旅遊照片,寫道:「由香港的千島湖,去到尼泊爾Pokhara 接近Annapurna腳下的山丘和充滿靈氣的Phewa Lake及World Peace Pagoda ,再踏進菲濟的陽光海灘和Sleeping Giant ,再去到澳洲雪梨國家公園內Figure 8 Pools和石灘,又回到香港的千島湖。」兩公婆真係去咗好多地方!
(微博圖片)
(微博圖片)
張筱蘭又分享獨特抗疫法:「投入大自然的懷抱就是抗疫的最好良方。與炎共存,挑戰自己,永葆(保)青春,反(返)老還童!」
(微博圖片)
不過整輯相最吸晴,就係呢張影到馬德鐘同張筱蘭10頭身嘅相,真係好鬼誇張。原本已有1米85嘅馬德鐘,再就埋低抄角度影相,好似成個巨人咁!
影到佢哋10頭身咁!(微博圖片)
與此同時,馬德鐘亦大曬阿仔馬在驤兒時及現在泳照對比,見阿仔而家咁大隻靚仔,佢忍唔住自豪咁話:「真沒有想過你會變成這樣,繼續努力,向自己的目標進發!」馬在驤現時在澳門的大學修讀機械工程,係學界有名游泳健將,曾代表學校勇奪8面個人金牌同全場總冠軍。馬在驤盡得父母優良基因,有靚仔外表同模特兒身高,兩年前已為國際知名品牌做模特兒,更簽約邵氏兄弟,有意讀完大學後在演藝圈發展。
相關新聞:【真博士】馬德鐘結婚26年走過風雨 靚靚學霸老婆教子有方
{{hket:inline-image name="667303b7gy1gcotlytuzej20om1hcdl0.jpg"}}{{/hket:inline-image}}
馬在驤細個好cute!(微博圖片)
呢副body冇得輸!(微博圖片)
又高大又靚仔(IG圖片)
3年前已經幫國際品牌做模特兒(IG圖片)
不過馬德鐘唔去旅行時嘅泳照都好吸睛,喺泳池著住螢光綠色泳褲,之後大字形浮係水面,完美展現爆肌結實嘅身材呀!
(微博圖片)
兩父子似兩兄弟多啲!(微博圖片)
撰文:羅慧怡