疫情下倫敦完騷 祖兒返港自我隔離

容祖兒剛於倫敦完成世界巡迴演唱會，正值歐洲多國受新冠肺炎疫情影響，祖兒的家人、朋友也很擔心她的健康，幸好她與團隊排除萬難下完成演出，她更履行公民責任，回港後在家自我隔離，護人護己。

肺炎疫情持續，容祖兒過往出埠都會帶容媽媽同行，但考慮媽咪大病初癒，決定讓對方留在香港。祖兒說：「好多人問我冒咁大風險飛來飛去驚唔驚？我有少少緊張，最重要做足保護措施，好多海外歌迷期待咗好耐，我唔想令大家失望，希望大家睇完騷，人人都百毒不侵，希望疫情可以快啲過去。」

今次世界各地有歌迷跟着祖兒飛去歐洲捧場，祖兒特別相約他們到倫敦地標London Eye大合照留念。她說：「佢哋咁遠都站站跟，平日完騷好少機會同佢哋傾偈，咁難得就約埋大家一齊打卡留念。」另外，祖兒特地在倫敦街頭踩單車，完成小小心願：「之前喺荷蘭已經好想踩，不過踩唔到半個鐘就走，因為好凍，自己着唔夠衫，驚自己冷親會影響演出。」‬

與麥當娜「同場」開騷

祖兒今次在The London Palladium開巡唱，此場地正是國際天后麥當娜曾經開騷的地方。祖兒表示早前在巴黎，特地往欣賞麥當娜的演出：「我睇到佢喺巴黎最後一場演出，之後佢因為疫情暫停演出。我睇嗰場，麥當娜扭傷腰骨，但佢喺舞台上完全無受到腰傷影響而失準，真係令我好佩服。」祖兒的巡迴巴黎站已因疫情取消，她表示最緊要大家安全，如今完成歐洲巡唱，她會先回港休息：「返香港我會留喺屋企自我隔離先，保重自己身體，唔好病。」

撰文︰Pauline

編輯：李潔盈

美術：梁政敏