陳柏宇有肚腩被老婆嫌棄

陳柏宇（Jason）昨天到商台宣傳新歌《本能寺》，受訪時嚷着要減肥，因為老婆Leanne嫌棄他的大肚腩，因此Jason下定決心要將之減掉。

Jason表示近日老婆符曉薇（Leanne）終於開聲嫌他太肥，「佢見到我個大肚腩，啲褲全部唔啱着，pat pat好豐滿，其實都無做gym一段時間，上年七月底八月已經無做啦。本身唔算大份，以前都有肌肉，依家中年發福，不過荷包就好乾，（工作少咗可以留喺屋企陪囡囡？）如果可以的話我想兩者兼備。」近日新冠肺炎病毒肆虐，Jason打算做gym，但避免帶女兒一齊，擔心她感染細菌。

澳洲之行造人

提到早前與Leanne同遊澳洲，他表示是工作性質，得悉湯漢斯在澳洲感染新冠肺炎，Jason說︰「可惜見唔到佢！」他表示當地的疫情不算嚴重，加上他們去人口不多的小島，因此沒戴口罩，但經常洗手及注意個人衞生。問他與老婆可有趁機造人？他笑言︰「有都唔話你知！不過的確有計劃追多個嘅，老婆鍾意仔，我想要多個女，始終囡囡比較嗲。」

採訪、編輯︰黃卉彤

美術︰梁政敏

攝影︰Pauline