【聲明】港生活網站並無進行電話推廣活動

民社相寓捐2000口罩 浸大生製搓手液贈基層

發佈時間: 2020/03/13

新冠肺炎疫情唔止影響健康,亦影響基層市民嘅生計,所以最近唔少善心機構向基層家庭捐贈口罩及防疫物資。黛安知道以社企營運嘅物業管理機構民社相寓,日前將熱心人士捐贈嘅2,000個口罩,送畀住喺以補貼形式資助嘅「社會房間」嘅低收入住戶、劏房戶及基層家庭,每戶受助者可獲得50個口罩。

除咗民社相寓外,浸大學生同教職員亦組成義工隊,向5個非政府機構,包括聖雅各福群會及香港失明人協進會,送出共200多公升由浸大化學系製作嘅酒精搓手液,再由機構轉送獨居長者同精神病康復者等。

呢批自製搓手液係按世衞建議嘅配方製作,酒精濃度75%,如果以每次用3毫升計算,相信呢批分量足夠用7.2萬次。黛安見到咁多熱心機構關心社會上有需要嘅人士,真係覺得好感動。

撰文: 黛安 消息特靈八卦公關
欄名: 八卦名利場