新冠肺炎(武漢肺炎)疫情喺全球擴散,而香港人口密集,好多人唔使返工嘅日子都會盡量留喺屋企。不過都有人選擇去行山,去到冇咁多人嘅地方可以除低口罩呼吸吓新鮮空氣!
(東星娛樂)
Janice Man(文詠珊)日前就同佢嘅一班好閨密去到龍蝦灣行山,仲好有Feel咁留言:「Take a little break.One minute.Don’t talk.Just look.And see the beauty ⛰」(稍息,一分鐘,不要言語,只要放眼觀賞美景。)佢話自己最近行山行上癮,目標係可以行晒香港所有嘅山!
(Janice Man IG)
一班女人行山當然唔少得影靚相打卡「到此一遊」啦,着住短身上衣嘅JM大曬纖腰,擺Pose完全難唔到Model出身嘅佢,唔少Fans都大讚景靚人又靚呀!就連Sammi都忍唔住留言大讚佢條腰好幼,不過JM好謙虛,竟然話係「幻覺」,仲話自己腳粗,佢表示自己行完山返屋企之後仲要繼續做運動,要搵番自己嘅馬甲線咁話,對靚嘅要求咁高,真係「逼死」唔少女性。
(Janice Man IG)
(Janice Man IG)
JM仲好有心咁訂咗口罩,今日佢去到石硤尾邨做義工派發畀長者同弱勢社群,真係好有愛心呀!
(Janice Man IG)
除咗派發口罩,JM仲有喺「小紅書」分享自己嘅防疫物品同埋使用心得。不過差啲好心做壞事,教錯戴口罩嘅方法。由於有一款日本口罩係比較難分清楚裏外底面,於是佢就拍片示範:「可能好多時候你們用的品牌會兩邊顏色都一樣,你就用(風琴位)方向來區別它是反面還是正面,對外必須向下,裏面的必須往上,這樣子才正確。」
(Janice Man小紅書)
(Janice Man小紅書)
其實呢一款日本口罩有別於平時最常見嘅款式,應該係風琴位向上摺,如片中口罩包裝盒所呈現嘅戴法,與JM嘅教法有異。有醒目網友都立即留言指正,提醒JM糾正記法,為免其他人跟住戴錯,不過Janice Man竟然回應:「口罩沒有錯的,方向是這樣戴的。」仲獲唔少粉絲盲撐,力撐佢冇戴錯!
(Janice Man小紅書)
(Janice Man小紅書)
所以公眾人物真係要小心言行,如果唔係就會令好多人跟住一齊炒車!而大家都要懂得過濾資訊,揀啲有權威性嘅資訊來源,都唔好盲目接收單一資訊呀!
(Janice Man小紅書)
撰文:黃蘊姿