吳鎮宇2014年同囝囝Feynman一齊參與拍攝內地綜藝真人騷《爸爸去哪兒》，眼大大嘅Feynman個性突出，常用行動去表達自己嘅心情，雖然少言寡語，但成日會做啲好窩心嘅嘢，令到佢喺呢個節目吸咗唔少「姐姐粉」、「阿姨粉」為佢瘋狂。
BB Feynman（吳鎮宇微博）
鎮宇全季節目都係以嚴父姿態示人，搞到Feynman由頭到尾都好怕鎮宇，更加令到Feynman由憐生愛。
（網上圖片）
（網上圖片）
Feynman都有同爸爸拍過電影，但之後就好少再有大型嘅幕前演出，自從「脫離」娛樂圈之後，Feynman隨即進入急速成長階段，而吳鎮宇指囝囝大食，話佢一個人可以食到兩人分量，又話佢肥到連頸都無，成個雪人咁，並踢爆Feynman唔鍾意流汗、唔鍾意曬太陽。
（吳鎮宇微博）
吳鎮宇同Feynman嘅關係更加有微妙嘅轉變，Feynman由以前好怕爸爸嘅「鵪鶉仔」變咗爸爸嘅「好兄弟」，用平等嘅方式交流。鎮宇曾經搞笑咁喺節目度話自己咁靚仔，點解會生咗個唔似自己嘅仔？Feynman冇嬲之餘，仲追住鎮宇打鬧全場，當鎮宇問：「你知道我點解唔敢打你？」Feynman反應好快咁答：「因為中國人不打中國人。」兩父子嘅互動非常可愛。
鎮宇成個頑童咁搶咗阿仔部單車嚟踩，Feynman就影相「公審」佢。（Feynman微博）
近日新冠肺炎（武漢肺炎）疫情肆虐導致周圍都出現搶購潮，吳鎮宇日前就上載咗一張作勢咬Feynman嘅相，話可以「養兒防饑」，只要阿仔夠肥就可以一年都唔使出門，阿仔就改圖將兩父子個頭倒轉，兩個Friend過打Band！
（吳鎮宇微博）
（Feynman微博）
吳鎮宇向來教仔有一套，佢曾經就提到有啲擔心老咗之後會成為Feynman的負擔。「現在已經想了，也沒有甚麼辦法，不過有些人100歲還是自己能走動、去看電影甚麼。你要求兒女養你 我從來都沒有這樣想，我也不會留一些甚麼給他，每個人都有每個人的生活。」吳鎮宇表示唔需要Feynman照顧，只期望佢可以照顧好自己。
已經係一個少年～（吳鎮宇微博）
整蠱阿仔，鎮宇樂此不疲。（吳鎮宇微博）
（Feynman微博）
撰文: 黃蘊姿