【拿督老竇避炎】莊思敏屋企簽字即場視像對親家 Brian頻摸老婆肚仔奉子成婚？

莊思敏舊年9月公開同台灣珍珠奶茶店老闆楊秉逸（Brian）嘅戀情，拍拖未夠一年已認定對方，上月被發現入紙申請排期註冊結婚，當時莊思敏表示Brian數月前在泰國布吉旅行時求婚，婚期定於3月中。

{{hket:inline-image name="1.JPG"}}{{/hket:inline-image}}

（莊思敏Youtube截圖）

不過因為新冠肺炎（武漢肺炎）疫情肆虐，佢哋冇大排筵席，選擇咗尋日喺屋企簡單簽字。不過話晒都係大日子，莊思敏換咗兩套婚紗，一套露腰婚紗喺泳池邊同Brian影相；簽字時就着上另一套性感低胸婚紗。

{{hket:inline-image name="0.JPG"}}{{/hket:inline-image}}

（莊思敏Youtube截圖）

兩邊家長都因為疫情而未能赴港，婚禮只有莊思敏兩個妹妹莊思明及莊思華、楊明等同輩親友以及契爺出席。雙方父母惟有靠視像通話直擊婚禮，更即場電話對電話，隔空對親家，一反傳統。莊媽媽仲好有幽默感，當簽字一刻竟然大叫，問佢諗清楚未，成個婚禮過程愉快溫馨。

{{hket:inline-image name="6.JPG"}}{{/hket:inline-image}}

（莊思敏Youtube截圖）

Brian同莊思敏分別以國語及廣東話宣讀誓辭，Brian完成儀式後大叫「好熱」，要拎紙巾抹汗。兩個仲烏龍到忘記交換婚戒，Brian搞笑問現場好友︰「點開始呀？點開始呀？」戴上戒指後，一對新人在律師提醒下啜啜，更喺親友起哄下三度咀嘴，非常Sweet。

{{hket:inline-image name="3.JPG"}}{{/hket:inline-image}}

（莊思敏Youtube截圖）

莊思敏尋晚將整個結婚過程上載至社交網，留言︰「感謝大家的祝福，視像觀禮，恭喜Lisa接到花球。」莊思敏指正式成為楊太後未有任何改變，會繼續工作及拍劇，亦因疫情關係未能去台灣，跟之前差不多。影婚紗相期間見Brian不時摸佢嘅肚皮，二人又咁急拉埋天窗，到底係咪奉「子」成婚？莊思敏就話冇特別意思，老公只係取笑佢肥咁話。

{{hket:inline-image name="9.JPG"}}{{/hket:inline-image}}

左起：莊思明、莊思敏、Brian以及楊明（莊思敏Youtube截圖）

莊思敏之後走出屋外拋花球，內定細妹莊思明接到花球，心情興奮嘅思明即刻向男友楊明撒嬌，楊明會唔會接住報喜呢？佢就話同女友都係會照住步伐進行，暫時都係搵錢，儲厚個底先。莊思明都異口同聲話二人婚期未定，但就有共識想大家想事業好啲先，咁生活先會更穩定！

撰文：黃蘊姿