【聲明】港生活網站並無進行電話推廣活動

留家抗疫玩醫生遊戲 謝安琪對住仔女扮傷者

發佈時間: 2020/03/17

剛過43歲生日的謝安琪(Kay),昨日到商台宣傳新歌《再度》。Kay與老公張繼聰因新冠肺炎疫情影響工作,近期多數留在家中陪伴一對子女。Kay笑言喜歡陪仔女玩角色扮演遊戲,更要扮傷者讓仔女「醫治」。

上周五生日的謝安琪,獲老公張繼聰安排二人世界慶祝,Kay冧爆說:「老公book咗間我好鍾意嘅餐廳,至於禮物,佢今次叻咗,幾年前佢送單反相機連成set器材同腳架,但重到我拎唔到,結果益咗佢自己;今年送咗部易用嘅高性能輕便相機,好啱我影小朋友同狗仔。」

Kay表示仔女因疫情而停課,一家四口經常留在家中:「兩兄妹好識自娛,會自創新遊戲叫我陪玩,好似扮醫護人員遊戲,我自薦扮傷者,乘機休息下。」她笑言消耗體力的遊戲例如騎牛牛,便會留給老公負責:「我喺隔籬幫手影相,當做有份參與。」

押後海外巡唱

另外,提到新歌《再度》,Kay表示早於兩年前錄好,但因配合與麥浚龍(Juno)的音樂計劃故事鋪排,所以直至昨日才正式派台:「我希望今年都喺12月12日出碟,不過今年好多因素影響,希望按計劃出碟啦。」她原定到海外開巡迴演唱會,現時亦要押後:「因為我唔想樂手同工作人員冒險。其他工作都有影響,但未算好大牽連,之前傾嘅廣告都會繼續,亦會錄音。」她表示老公的電影工作都要延遲,惟有耐心等待。

採訪、攝影︰Pauline

編輯:李潔盈

美術:梁政敏

留家抗疫玩醫生遊戲 謝安琪對住仔女扮傷者

張繼聰早前出Po祝賀謝安琪生日兼示愛。(資料圖片)