《On Call》重播 黃智雯回味楊怡謙仔秘密傳情

黃智雯與趙希洛前晚錄影《娛樂大家10點半》，二人有份演出的劇集《On Call 36小時》近日重播，她們重新追睇之餘，更勾起當年見證劇集拍檔楊怡與羅仲謙撻着的回憶，十分搞笑。

黃智雯與好姊妹趙希洛前晚在節目中大玩遊戲，智雯笑說：「今次係我第四次上呢個節目，我往績好『彪炳』，有時蠢蠢哋幾好，反而會贏大獎。」趙希洛亦自認較蠢，加上不會講大話，所以玩遊戲多數是輸家。提到她們演出的《On call 36小時》正於深夜重播，智雯笑言無論重播幾多次，都一樣會追睇，因為劇集勾起很多回憶：「劇組依家仲有個WhatsApp群組叫『On Call』，大家經常約食飯，羅仲謙間唔中都講兩句，佢仲試過傳信息send錯group，好搞笑。」

讚趙希洛口密

提到羅仲謙當年因《On Call》與楊怡日久生情，智雯與趙希洛笑言重看時見到二人的戲份，也覺得特別可愛：「拍攝嘅時候無察覺到，後來出嚟玩就發現咗，點解佢（羅仲謙）對楊怡咁好嘅？」楊怡早前宣布有喜，智雯表示已在群組恭喜對方，但不會八卦BB性別：「我哋無探過阿怡，不過我哋嘅社交網站，仲有佢哋拍拖初期嘅蛛絲馬迹。」

另外，智雯笑言自己現實中也如《On Call》一樣，經常與趙希洛傾心事：「趙希洛知道我好多秘密，不過佢都好守得秘密。」趙希洛聞言笑說：「我被智雯收買咗。」她坦言早已忘記《On Call》劇情，會當作是新劇般追看。

撰文︰Pauline

攝影︰林良明

編輯：李潔盈

美術：梁政敏