【單身貴族】張文慈單身10年呻藝人難拍拖 樊亦敏寧缺勿濫最怕男人「愚孝」

娛樂圈當中有不少女藝人是「單身貴族」，其實一個人唔一定慘，單身都可以好快樂、好精彩。近日樊亦敏、張文慈齊齊上《姊妹淘》做嘉賓，訴說各自的單身生活。

{{hket:inline-image name="g.jpg"}}{{/hket:inline-image}}

(影片截圖)

{{hket:inline-image name="td.jpg"}}{{/hket:inline-image}}

(影片截圖)

樊亦敏認為單身都可以好開心、好精彩，佢亦好習慣自己一個人，已經獨立很久，獨自看電影、過大時大節都絕對冇問題。她說：「睇你點樣計畫自己嘅生活，我到現時還不斷進修，做自己想做的事，例如學習法語、陶瓷鑑證，而且我唔需要考慮另一個男人嘅行程。」

{{hket:inline-image name="55.jpg"}}{{/hket:inline-image}}

(影片截圖)

不過，樊亦敏話雖然一直單身，但累嘅時候，都會想有個人喺身邊陪住佢。樊亦敏喺節目中感觸咁話：「柔弱時都會想有人陪我傾吓偈，不過有時更寂寞嘅係有個人喺身邊，同冇係一樣，咁先係最寂寞。」

相關新聞：48歲樊亦敏近照激似90後 無悔出錢出力救人竟因一事單身

{{hket:inline-image name="81720434_496315004349247_3309227820824538269_n.jpg"}}{{/hket:inline-image}}

48歲仲係keep得好好！(IG圖片)

而張文慈覺得最緊要有能力養到自己，同埋生活精彩嘅話，單身都好有樂趣。已經單身10年嘅佢自認同樊亦敏唔同，並唔係一個獨立嘅人，佢好鍾意黏住別人，而且岀街都一定要有人陪。張文慈說：「我唔可以一個人睇戲、去旅行，我會覺得好慘，好孤獨。而且有時生病、軟弱時，就會好想有人保護自己。張文慈又舉例子：「我好怕蟑螂，見到個時就會心諗，如果有人喺我身邊就好。」

{{hket:inline-image name="trtr.jpg"}}{{/hket:inline-image}}

(影片截圖)

10年冇拍過拖，張文慈冇刻意單身，但就好似一直冇乜緣分，期間有識過一個男仔，但好快發現唔適合，佢就無謂浪費時間。張文慈又認為做藝人有影響佢結識男仔：「有男仔因為我做呢行，覺得我好難追，而唔敢識我，一係就覺得同我一齊，就會比狗仔隊影，佢哋會有壓力。好多睇完我做戲嘅角色，就判斷我係咩人。」渴望真愛嘅佢又唔排除遇到合適嘅人會閃婚：「如果真係好啱，我都會結，因為而家我好清楚自己想要啲咩。」

相關新聞：【法證先鋒IV】張文慈童年不堪經歷成拍戲素材 獲監製一句說話肯定激動爆喊

{{hket:inline-image name="87708468_1156534911345376_2950495817152743673_n.jpg"}}{{/hket:inline-image}}

(IG圖片)

樊亦敏就唔太buy「閃婚」呢一套，她說：「我都要睇清楚，要相處一排先，年輕時拍拖遇過太多一開始好啱，但最後分開嘅情況。」佢又列出幾個對心儀男士嘅條件：「要有幽默感，心地好係必須，要孝順但唔好愚孝，好怕呢種愚孝嘅男人，同埋知識豐富可以同我share。同埋希望佢識煮飯，因為我唔識。」

撰文：羅慧怡