【聲明】港生活網站並無進行電話推廣活動

汪阿姐Do姐邊個好相與? 艾粒妙答世紀難題

發佈時間: 2020/03/19

組合艾粒的少爺占(甄子康)和當奴(唐劍康)前晚錄影汪明荃(阿姐)主持的遊戲節目《娛樂大家10點半》。艾粒過往與鄭裕玲(Do姐)合作無間,提到阿姐與Do姐誰人較容易相處,轉數快的艾粒即搞笑化解。

少爺占與當奴前晚首度上節目,二人分別掛上「圓賓」及「湯告奴」的名牌,他們搞笑說計劃稍後到海外發展,所以特地改一個國際化的名字。問他們如何「招呼」阿姐汪明荃?當奴說:「我哋一嚟到已經立即同阿姐打招呼!不過阿姐問我哋係邊個,我哋話以前同Do姐做節目,阿姐先話『哦』。」覺得阿姐與Do姐誰更好相與?他們鬼馬說:「佢哋係一對嘅!兩位都好好,好照顧後輩,我哋好尊敬前輩嘅。」

煲唔完《愛的迫降》

另外,問「圓賓」少爺占可有追看韓劇《愛的迫降》?他笑說:「我煲咗60日都未煲完,我覺得啱女仔多啲,反而《李屍朝鮮2》兩日睇晒!」艾粒更笑指商台DJ同事朱薰不但迷上《愛的迫降》,更親自製作男主角玄彬的WhatsApp貼圖,吸引FB近萬人留言要求分享,少爺占講笑說:「如果每套貼圖賣一百蚊,就會變成一百萬嘅大生意,不過因為版權問題就做唔到。」當奴聞言笑說:「我勸你唔好喺度(無綫)提其他台嘅劇嘞。」

採訪︰Pauline

攝影︰林良明

編輯:李潔盈

美術:梁政敏

汪阿姐Do姐邊個好相與? 艾粒妙答世紀難題

汪明荃與鄭裕玲出名要求嚴謹,艾粒不敢批評前輩。(資料圖片)