【豪宅曝光】汪東城如廁癖好獨愛原始踎廁 馬桶前放巨鏡望實「方便」？

相信唔少市民都對藝人屋企秘密小天地好有興趣，台灣男子團體「飛輪海」出身嘅藝人汪東城，近年將事業重心轉移到中國，最近佢受邀參加小S同蔡康永主持嘅《花花萬物2》，係節目中罕有曝光自己屋企嘅豪宅，除咗擁有個人健身室、書房，而令人訝異嘅係，汪東城家中馬桶居然係踎廁，令主持人相當驚訝！

相關新聞：炎亞綸直認飛輪海不是朋友 緋聞傳足8年：「曾經好好」

{{hket:inline-image name="rs.jpg"}}{{/hket:inline-image}}

(影片截圖)

汪東城現時都係同媽媽一齊住，佢先介紹一齊共用嘅書房，裡面擺放著媽媽對佢嘅各種收藏，包括過去粉絲送嘅抱枕、杯等禮物。汪東城平時鐘意留係屋企，係宅男一名，不過為維持好身材，佢設計咗一個專屬個人健身室，入面各種健身器材應有盡有。

{{hket:inline-image name="fz.jpg"}}{{/hket:inline-image}}

(影片截圖)

{{hket:inline-image name="5.jpg"}}{{/hket:inline-image}}

私人健身室(影片截圖)

{{hket:inline-image name="dz.jpg"}}{{/hket:inline-image}}

(影片截圖)

至於極少下廚嘅佢，廚房就形同擺設，入面放滿咗佢心愛嘅動漫模型收藏，最多係間唔時沖下咖啡。地上擺放好多公仔紙箱，亂到汪東城都忍唔住自嘲：「不好意思，這廚房一看起來，就是缺乏女主人，沒有人來開火，不知不覺就變成我的儲物室了。」希望佢快啲搵到真愛為佢下廚啦！

{{hket:inline-image name="yd.jpg"}}{{/hket:inline-image}}

廚房超雜亂(影片截圖)

咁大個仔都想有私人空間，原來汪東城有個秘密空間，擺放著7組1：1嘅假面騎士模型，佢係節目自豪地表示：「看到我身後這麼多的兄弟，假面騎士戰隊，兄弟多就是狂啊！」

{{hket:inline-image name="gxx.jpg"}}{{/hket:inline-image}}

(影片截圖)

不過最勁都係個廁所，汪東城屋企廁所竟然係台灣少見「蹲式馬桶」，仲要行一個小樓梯先上到去，而且踎廁對住一大塊鏡，姐係佢每次去廁所，都會望住自己個樣！

{{hket:inline-image name="r.jpg"}}{{/hket:inline-image}}

期間汪東城更以「大媽蹲」pose介紹。(影片截圖)

主持人小S同康永哥都忍唔住露出震驚樣，話廁所好似展示品，好有原始嘅感覺。汪東城稱：「學生時代已經習慣這種感覺，這姿勢很好呀。」康永哥問佢對住鏡子去廁所會唔會尷尬時，汪東城就回應：「看久是尷尬，之後我選擇不看，上廁所時會不戴眼鏡，因為我近視，模模糊糊上完就離開。」

{{hket:inline-image name="6.jpg"}}{{/hket:inline-image}}

(影片截圖)

{{hket:inline-image name="675.jpg"}}{{/hket:inline-image}}

(影片截圖)

撰文：羅慧怡