《法證先鋒IV》大獲好評，是觀眾「撈電視汁」的劇集，不過有關劇中9個絕密事件，就未必個個知道。
1. 為何「滅罪鐵三角」每單案都要戴太陽眼鏡？
跟型不型沒甚麼關係，只是純粹為遮擋太陽紫外線，避免阻礙搜查證據，結果成就第1輯的經典黑超造型。為呼應前一輯，所以2、3、4輯都跟到足，如小丑案連貫4輯一樣，是劇集特色。
(TVB電視截圖)
2. 為何演員每次聚會都要飲紅酒？
有別於前幾輯於茶餐廳、大排檔聚會的設定，今輯每逢破到案，大家都會到高安（黃浩然飾演）、高靖（朱晨麗飾演）的家飲住紅酒講述案情，全因候敏莉（鄭希怡飾演）是品酒師，在家設有紅酒櫃。
(TVB電視截圖)
(TVB電視截圖)
3. 為何讓湯洛雯取代黃心穎？
監製梅小青表示湯洛雯笑容甜美、很有熱誠，雖然曾叫她減肥不成功，但她就話重點不是樣子同體重，而是湯洛雯可演活劇中角色，而且無NG。梅小青指湯洛雯不能同黃心穎比較，各有各好處：「佢入組廿幾日就做到咁嘅成績，非常滿意！」
(娛樂新聞台截圖)
4. 覺不覺得選錯黃心穎？
監製梅小青就話喜歡黃心穎拍任何劇都很認真，大可成為鍾嘉欣第2：「佢好甜唔造作，嗲亦唔會過火。」可惜去年發生「安心偷食」事件，令梅小青既意外亦好心痛，坦言重拍很艱辛：「重拍嘅嘢幾多，等於拍過一套，例如朱晨麗拍緊另一套戲，個髮型唔可以轉；有啲景唔可以再搭番。」她補充黃心穎一定是錯，不過覺得她本有大好前途，現在已受了很大懲罰，這麼年輕應再給她機會。
5. 譚俊彥參演是受各方反對？
當時團隊對譚俊彥演包青天印象太深，曾反對他參演：「係咪啱佢做㗎？」監製梅小青強調她並非與狄龍是好朋友才選用譚俊彥，而是因為他們會面過幾次，她感受到譚俊彥的誠意，所以決定給機會：「大家提議揀個樣寬容啲嘅演員，但我覺得應該博！」梅小青對譚俊彥的壓力表示身同感受，盛讚他的能力高強。其實譚俊彥不是刻板的人，事關他每次一NG都會忍不住笑。
(影片截圖)
(影片截圖)
6. 梅小青曾被謝賢玩？
監製梅小青笑言：「我係粉絲，一直唔識唔敢搵佢演戲，今次我臨別秋波託好朋友邀請。」雖然謝賢即時答應，不過後來卻反口：「四哥打電話畀我話唔做喇，怕辛苦，我嚇傻咗！好感激拉姑幫口：『應承咗唔可以唔做！』四哥先話：『我玩吓你咋！』」梅小青又讚謝賢演出認真：「服裝全私伙，我哋冇傾片酬，我畀封利是佢做車馬費，佢初時唔肯收。」
(TVB電視截圖)
7. 最欣賞李施嬅、黃浩然？
監製梅小青為了給觀眾新鮮感，想角色年輕化而找黃浩然取代歐陽震華，指他演活沉穩冷靜一面，而且很有演員道德，曾只拍手腳近鏡，他都親自演繹方便對手，坦言：「佢係新一代演員榜樣！」而她又讚李施嬅講英文好聽，外形專業。
(TVB電視截圖)
8. 張文慈頭上並非真髮？
「粵劇團連環兇殺案」中，張淑敏（張文慈飾演）從後偷襲高靖，戲外朱晨麗怕張文慈太大動作會整到腰，但擁有一把黑色柔順頭髮的張文慈卻最重視頭髮，驚爆：「你照用力，不過唔好扯甩我頭髮，假髮嚟㗎，我驚佢好容易甩。」
(TVB電視截圖；影片截圖)
9. 鄭希怡曾為一幕嚇到面容扭曲？
鄭希怡曾表示最愛激烈動作戲，不過當要拍攝差點被刀斬到隻手時，卻被假刀嚇到不敢望隻手，導致太早縮手，要NG再NG。除了在場工作人員提醒她：「唔望隻手呀？佢（下刀者）會望住你隻手㗎！」黃浩然等到臉容僵硬，大叫：「換過把刀！」
(影片截圖)
撰文：張芷晴