袁文傑歐洲睇波計劃泡湯

新冠肺炎確診個案持續上升，香港市民都加強防疫措施。袁文傑昨日現身將軍澳電視城，他苦笑謂各地足球聯賽因疫情而陸續暫停，失去很多樂趣，同時他亦呼籲隔離人士，為人為己都應遵守隔離程序，不要四處播毒。

袁文傑昨日返電視城等外出拍攝《愛．回家之開心速遞》外景，問他開工時會否加倍小心？他表示︰「拍乜嘢景都要小心啲，尤其呢一行嘅人流動性好大，每次埋位講對白都唔可以戴口罩，有啲戲份仲有些少身體接觸，所以要做足個人衞生。」問到跟女友張潔蓮有何家居衞生措施，袁文傑稱︰「佢比我更緊張，每次同佢去完街返屋企，一入屋就全身消毒，甚至連環保袋都要噴消毒劑，放環保袋嘅地下都要抹得乾淨。」

本身是忠實球迷的袁文傑，對於各大足球聯賽因疫情宣布暫停，他苦笑謂少了很多樂趣︰「原本打算請兩個禮拜假，去德國睇歐洲國家杯賽事，好彩未買飛、未訂機票同酒店咋。」袁文傑知道有球員感染新冠肺炎，他希望球員盡快康復，亦希望疫情不會太影響職業運動員。

斥剪手帶行為自私

提到新一輪疫情有很多確診者都有外遊紀錄，袁文傑直言︰「我喺網上見到好多人講，受檢疫嘅人士剪斷咗條電子手帶，其實係自私嘅行為，佢哋應該搞清楚點解要返香港，既然返到嚟，佢哋都想有一個安全嘅地方，所以唔應該做出呢啲咁自私嘅行為。其實14日好快過，點解唔諗下醫護人員把守崗位一段咁長時間，佢哋其實都係搵命博。嗰啲受監控嘅人，呢種行為會影響別人性命，呢啲人應該要公審。」

採訪︰Pauline

編輯︰陳禮恒

美術︰梁政敏

攝影︰林良明