無罩出席警星飯局 張智霖認防疫意識不足

張智霖（Chilam）上月與明星足球隊，齊齊無戴口罩出席「警星飯局」，與警務處處長鄧炳強等警方高層聚餐，Chilam因而被網民抨擊。Chilam昨日出席保良局活動，坦言不想回應事件，但承認防疫意識不夠敏感，進食後應戴回口罩。

張智霖昨日以保良局親善大使身份，出席捐口罩活動，他自言已訂購四萬個口罩，捐給有需要人士。自上月「警星飯局」後，Chilam首度現身，昨日他有戴上口罩，只是拍照時才除下。提到他在飯局後被網民洗版批評，連帶太太袁詠儀（靚靚）及兒子張慕童（魔童）的社交網亦被留言抨擊，問到心情是否大受影響？他說：「無嘅，不過都唔識講。」網上流傳的飯局照片中，出席者都沒戴口罩，他說：「食緊飯係無（戴口罩），但食完都有戴番，不過當時防疫意識可能唔夠敏感。」

留家陪魔童學習

問到靚靚有否因被批評而生氣？Chilam說：「唔回應喇，事件過咗去，大家應該向前望，希望大家能一條心去抗疫，比任何事更重要。」至於今次成為保良大使，是否想「洗底」？他表示：「我只係機緣巧合下做咗大使，我無任何計劃要做啲乜嘢。」他透露囝囝知道發生何事，但沒有影響囝囝心情。

另外，新冠肺炎疫情嚴峻，Chilam表示早前一家三口到布吉旅行，現在盡量留在家中抗疫，又跟魔童一起網上學習：「對小朋友嚟講自律唔容易，我要陪個仔學習同幫手，呢段時間我都學到好多，知識上進步咗。」他又表示有家人在澳洲居住，所以特別留意當地情況。

撰文︰Pauline

編輯：李潔盈

美術：梁政敏