今日（24日）亞視FaceBook專頁「ATV 亞視數碼媒體」上傳1990年亞洲小姐的陳年舊照，寫道：「呢個美女邊個黎?大家知唔知?」相中少女一頭清爽短髮，身形Fit爆穿上紫色亮片泳衣，加埋個甜美笑容，真的青春無敵。呢張相惹來不少網友留言競猜，有人話係宮雪花，有人話係利智同袁潔儀，不過大家都估錯，原來係吳綺莉。佢係當年亞姐的冠軍，而亞軍係施綺蓮，季軍是楊玉梅。同屆呢三位都各有發展，而提到施綺蓮，她已淡出娛樂圈多年，你們知道她的近況嗎？
到底係邊個？(Facebok圖片)
網民都齊齊留言競猜一番(Facebok圖片)
原來係吳綺莉！(網上圖片)
施綺蓮自02年下嫁富商唐儀，之後專心做幸福闊太，同老公育有兩女一子，已經極少在幕前工作，只是偶然出席活動，曾經有人叫佢復出拍微電影，不過佢就話冇考慮過，仲話由頭到尾都唔叻演戲。
(網上圖片)
同屆季軍係楊玉梅(網上圖片)
施綺蓮近年不時被指「唔同樣」，更有網友指佢撞樣張柏芝。
(東星娛樂)
施綺蓮婚後居住係半山豪宅，家庭生活幸福，不過幾年前就曾經同老公於家裡爆發糾紛，當時仲驚動警方到場調查。兩公婆婚姻有冇問題就成不解之謎，不過施綺蓮絕對係廿四孝媽媽，之前仲考慮過為三個小朋友學習辦學，打算開辦英國國際學校，事關佢認為香港缺乏國際學校學位，三個仔女都好難先入到讀國際學校。
(東星娛樂)
施綺蓮跟同屆季軍楊玉梅選美後一直感情好好，不時定期聚會，又會一齊做善事。楊玉梅曾經在微博講過：「二十多年的好姊妹，不用經常見面，大家也非常明白對方。」
相關新聞：【法證先鋒IV】楊玉梅演活失控殺女社會悲歌 太靚惹人妒忌 揭遭同屆亞姐為難
(微博圖片)
施綺蓮（左三）同楊玉梅不時一齊做善事(微博圖片)
90年亞洲小姐入面，吳綺莉同楊玉梅感情都唔算順利。吳綺莉99年跟當時係有婦之夫的成龍傳出緋聞，其後被爆懷孕，生下女兒吳卓林，亦因此名聲受損，之後同阿女一直長居上海。至於楊玉梅曾在訪問中自認喺愛情路已經損手爛腳，再冇期望，54歲只想做個單身女強人咁話！
(微博圖片)
(微博圖片)
撰文：羅慧怡