前排台劇《想見你》、韓劇《愛的迫降》掀起一股煲劇熱潮，亦吸引不少香港藝人追看。而藝人張繼聰亦不例外，日前他於社交網表示已睇完《想見你》，更發現原來自己都曾拍過校園青春劇《CYC家族》，劇中還有唐寧及梁漢文。帖文一出，即引來不少藝人朋友留言，緬懷當年拍劇的種種回憶。
（圖片：張繼聰IG）
阿聰於社交網分享港台劇集《CYC家族》片段，留言指：「睇完《想見你》，真係好正。隨即覺得好唏噓。因為作為一個演員，我已經太老，冇機會再演依類角色…著校服喎大佬...跟住唔覺意係網上睇到...原來我都拍過校園青春劇。不過...係1994年......」
（圖片：張繼聰IG）
（圖片：張繼聰IG）
阿聰更指：「P.S. 多謝 @renciysw（楊偲泳） , 鼓勵我，佢話我都可以演《想見你》......演舅舅.................」楊偲泳則留言回應：「有你做舅舅也挺不錯啊！可以免費喝咖啡聽唱片。」
（圖片：港台facebook）
大家又認得幾個？（圖片：港台facebook）
而有份同演的唐寧就大爆：「我仲記得拍呢套劇嘅時候，好多女仔暗戀你喎 」阿聰則反擊：「喂，唔準(准)爆大鑊，如果唔係我話比(畀)大家知，當時好多人明戀你。」兩位都是童星出身，互爆秘密！
（圖片：張繼聰IG）
（圖片：港台facebook）
唐寧而家個樣都無咩點變。（圖片：唐寧IG）
在劇中飾演見習老師的梁漢文則留言問：「其實究竟我係咩？學生定先生」阿聰則回應：「你係見習老師呀。」但當時梁漢文只有22歲，大阿聰8年就要做阿sir。而梁漢文之後都在社文網上Po該劇的片段與一眾網友們回味，大家都回憶起不少當年拍劇的青春時光。
好青春呀～（圖片：港台facebook）
（圖片：張繼聰IG）
（圖片：梁漢文IG）
現年40歲、童星出身的阿聰，8歲出道。當時父母帶他參加香港電台的小演員招募活動，結果被取錄。之後他曾為香港電台電視部演出多部劇集，如《CYC家族》、《香江歲月》等。
阿聰細個仲拍過廣告！（圖片：張繼聰IG）
而《CYC家族》是1994年的作品，劇中演員有阿聰、唐寧、梁漢文和陳玉蓮等。飾演學生「劉德華」一角的阿聰，當時只有14歲，十分青春。原來阿聰、唐寧及梁漢文一早已合作過，現都有不同的發展。
（圖片：東星娛樂）
撰文：林惠珊