【聲明】港生活網站並無進行電話推廣活動

44歲生日開Live 梁詠琪笑囡囡亂入搶鏡

發佈時間: 2020/03/27

梁詠琪(Gigi)前日44歲生日,由於新冠肺炎肆虐,Gigi只跟家人簡單食飯慶祝,晚上則在IG開live與粉絲傾偈兼獻唱,期間她的五歲女兒祈淑菲(Sofia)多次亂入,獲網民稱讚勁cute。Gigi昨日接受《晴報》訪問時,大談生日願望︰「當然係疫情盡快過,人人身體健康。」

壽星女梁詠琪在直播唱出多首經典歌,又分享在家抗疫的生活︰「每日除咗陪Sofia上網做功課,亦會焗下麵包同蛋糕,又教佢做家務。」直播期間,Sofia多次入鏡打招呼,更拿着ukulele與媽咪「jam歌」,可愛度爆燈。

Gigi昨日接受本報訪問,提到囡囡Sofia亂入時,哈哈大笑說︰「個女很好奇,我喺房做直播,佢同爸爸喺客廳睇,覺得好神奇,所以不停走入房,確定我係咪真係喺屋企。佢知有好多哥哥姐姐睇緊,都好想同大家打招呼。」

為前綫醫護打氣

Gigi指最近大家多數留守家中,所以開live為大家解悶,並特別選唱《平安夜》和《至少還有你》,為前綫醫護人員打氣。提到老公Sergio的家鄉西班牙疫情嚴峻,Gigi說︰「我哋每日都同當地屋企人通電話,提醒佢哋唔好外出,要經常洗手。我哋教老人家上網購物同玩遊戲,希望佢哋乖乖留喺屋企。」

撰文︰倪小珊

編輯︰李潔盈

美術︰梁政敏

44歲生日開Live 梁詠琪笑囡囡亂入搶鏡

囡囡Sofia前晚不停入鏡,相當可愛。(IG截圖)

44歲生日開Live 梁詠琪笑囡囡亂入搶鏡

Gigi教女兒在浴簾上繪畫深愛的公仔。(IG圖片)