【不帶走一點雲彩】李美珊高學歷跑贏同屆佳麗 盤點「唔入娛圈」瀟灑冠軍港姐

歷年香港小姐冠軍一般都有一年時間代表香港出戰世界性嘅選美比賽，以及出席其他宣傳香港嘅活動，卸任之後好多時都會加入無綫。雖然大部分港姐冠軍之後都會選擇繼續同無綫簽約，但亦有少部分人卸任之後即刻拜拜娛樂圈，甚至有人未夠一年都已經被無綫「罷免」解約！

相關新聞：【愈選愈富貴】港姐歷屆億萬富家千金逐個捉 三料冠軍邵珮詩是「維他奶後人

李美珊
1986年香港小姐冠軍李美珊，係紐約大學生物系碩士畢業生，係當時第一位碩士生港姐冠軍，但一年後佢冇同無綫簽約，返去美國繼續讀完正在修讀嘅課程。而家長居國外嘅李美珊，有時都會回港出席活動，而且亦係慧妍雅集嘅會員。

{{hket:inline-image name="aa.jpeg"}}{{/hket:inline-image}}

(網上圖片)

林敏俐
2002年港姐冠軍林敏俐代表香港出戰2003年度國際華裔小姐競選，奪得亞軍。但後來佢冇繼續演藝事業，據知佢離開娛樂圈嘅原因係返美國繼續學業。亦有指佢係要接手亡父生意。

{{hket:inline-image name="a.jpeg"}}{{/hket:inline-image}}

(網上圖片)

翁嘉穗
翁嘉穗為1997年四料冠軍，包括：香港小姐冠軍、最上鏡小姐、東方美態大獎同都會魅力小姐。佢冇同無綫續約而選擇嫁畀大佢20年嘅七海化工集團有限公司主席鄔友正，做個生活無憂嘅幸福少奶奶。

{{hket:inline-image name="s.jpeg"}}{{/hket:inline-image}}

(翁嘉穗IG圖片)

張舒雅
2008年港姐冠軍張舒雅係史上唯一一個被罷免嘅港姐。當年佢以黑馬大熱當選，仲要以180cm嘅身高成為歷屆最高嘅港姐。但佢當選後就向無綫請假，因病而唔出席任何活動，之後更稱因為攰而退選世界小姐及國際中華小姐競選，任期內幾乎乜都冇做，被封「最hea港姐」。

{{hket:inline-image name="fff.jpeg"}}{{/hket:inline-image}}

(網上圖片)

雷莊𠒇

雷莊𠒇在2017年參加《香港小姐競選》奪得冠軍，一直被傳媒視為大熱門，但賽果一出，遭到部分市民抨擊。對此，雷莊𠒇反指部分網民過分相信傳媒報道，形容佢哋冇受過教育。佢卸任後返回加拿大發展冇續約無綫，並打算進軍荷里活。

{{hket:inline-image name="sa.jpeg"}}{{/hket:inline-image}}

(IG圖片)

撰文：黃蘊姿