朱智賢瘦到上圍縮水

朱智賢昨日在將軍澳電視城開工，她忙於拍新劇《食腦喪B》及《踩過界II》：「最近市面真係好靜，所以好開心有兩套劇一齊開工。」她在《食腦喪B》首次扮大肚婆，要學習孕婦行路的姿態，問她是否喜歡小朋友？她說：「我對小朋友唔抗拒，但鍾意小動物多啲。」

朱智賢透露稍後工作要影婚紗相，問她可要減磅？她笑言反而想增肥，提到緋聞男友謝東閔喜歡她肥或瘦？她笑說：「你問番佢（謝東閔）啦，不過我肥瘦都咁多人鍾意！佢次次見到我都話我瘦咗，叫我食多啲。（上圍縮水？）瘦咗一定有縮水，不過最近開始食多咗肥膩嘢，食量都唔少，仲晚晚食宵夜。」

採訪︰Pauline

攝影︰林良明