《愛回家之開心速遞》Venus(鄺潔楹飾演）在香港島大學是呼風喚雨的女神，不過現實中她的讀書生涯卻不是如此順利，日前（28日），她接受商業電台節目《口水多過浪花》主持人Do姐鄭裕玲訪問，大爆當年在美國留學時不但要保護自己免受欺凌，還曾經歷生死劫。
(TVB電視截圖)
(影片截圖)
鄺潔楹一家居於2,000呎大埔淺月灣的獨立洋房，家境富裕，她在本地讀到中學就被父母送到美國路易斯安那州一間比較偏遠的高中讀書，住在寄宿家庭。那時候，鄺潔楹擔心亞裔身份會令她成為被同學歧視與欺凌對象，於是編了一個謊話：「美國都幾嚴重，我驚被人打，我話我叔叔係成龍，叫佢哋唔好招惹我。」半年後，同學仍信以為真，竟然要她叫成龍簽名送給他們留念。
後來，鄺潔楹被送到西雅圖大學，主修商業經濟學，副修天文及辯論，然而在學期間曾經遇上校園槍擊案，她憶述：「我上緊堂，突然全校廣播話隔離大學啱啱發生槍擊案，學校叫我哋留在原地。我好驚，唔知點做好，啲同學即刻打畀屋企人喊晒。」她當時在想殺手還未到，如果對方衝到校內射殺該如何是好，她欲致電香港家人，又怕時差關係會把他們吵醒，更怕電話接收不良害他們虛驚一場：「當下諗緊有咩未做、有咩要講...(人生片段開始播緊...），打緊信息畀家人交代，櫃桶下面有個位可以匿埋。」最後殺手被制服，鄰校一人死亡。
(鄺潔楹instagram截圖)
畢業後，鄺潔楹回港當模特兒，2016年加入TVB，初初擔任娛樂新聞台、《3日2夜》主持，如今是《愛回家》固定班底，憑巴辣野蠻的Venus一角深入民心。然而身為宅男女神的她卻表示曾因身高而心情低落，想過放棄星途：「有啲時候都覺得唉...不如算啦...一開始我聽到人哋講嘅嘢會好易氣餒，會全日諗住。啲人好直接，會話：『你咁嘅高度，我覺得你頂多玩多1年』、『唔好諗住做好長』，我唔識駁咀，會認同佢。咁多人咁講，會覺得自己會咪唔啱做呢行，外在因素係咪咁重要。但後來我會想畀佢哋睇，你覺得我做唔到，我就要再做多幾年。」
鄺潔楹補充，試過有導演撞見她，怎料直接挖苦她：「如果唔係我老婆鍾意睇，我晨早就轉咗台，你啲戲真係難睇到...」雖然她很心傷，但她強調覺得他很真誠，故與他還是朋友，聽到鄭裕玲都覺得匪夷所思，大讚鄺潔楹高EQ。
▼鄺潔楹高155cm
(劉穎鏇instagram截圖)
▼鄺潔楹高155cm
(TVB電視截圖)
撰文：張芷晴