莊思敏考慮搵代母生B

剛成為人妻的莊思敏昨日現身將軍澳電視城，為古裝劇《一笑渡凡間》開工。本月中才新婚的她，婚後休息幾日便復工：「唔使刻意休息，依家邊度都去唔到，老公已經返咗台灣工作。」

有傳莊思敏奉子成婚，所以急急簽字，她否認說：「我之前肥咗啫，依家已經瘦番。生B隨緣，依家大家分隔兩地，我都唔驚變高齡產婦，因為已經係。」她笑言目前沒有雪卵：「可能兩年後先，或者到時直接搵代母。」至於日前有網民留言問她「離婚未」，她即回應「邊敢爬你頭」，她昨日說：「我唔介意，我都聽唔少，已慣晒，我覺得禮貌上要答佢，雖然我個答案唔禮貌。」

攝影︰林良明