高志森爆一哥做特約演員 4日賺$2,800

導演高志森早前與專欄作家屈穎妍訪問警隊一哥鄧炳強，期間鄧炳強竟自爆曾在高志森經典電影《開心鬼》參演一角，令眾人大感詫異。鄧炳強稱84年正在讀大學的他，為了賺外快而跟隨同學當上特約演員，當時的日薪是700元。

昨日高志森接受《晴報》電話訪問時表示︰「《開心鬼》係我第一套執導嘅電影，當年第一日喺廟宇開工，一哥做特約演員，無諗過36年後又再拍佢，但佢已經唔係特約演員，係一哥，人生就係充滿緣份。」高志森又憶述︰「當年佢拍咗四日戲，應該有2,800蚊人工，相對依家等於兩萬蚊左右，算係唔錯㗎！（覺得佢演技如何？）算係交得足戲，只係Take咗兩次。其實我第二套電影《聖誕快樂》，一哥都有份做特約演員，應該係監製同副導演都覺得佢做得好，所以第二套戲又預埋佢，但我搵唔番條片，好大機會出街版本cut走咗。」