【留家避疫】霍啟剛跟家人下廚籲珍惜天倫樂 貼地富三代教子女洗車賺零用錢

新冠肺炎疫情嚴峻，唔少人選擇留家避疫，做父母就要多花心思設計活動畀留在家中嘅小朋友。婚後育有3名子女嘅霍啟剛，絕對是100分爸爸，平時一有時間就同老婆郭晶晶帶仔女遊山玩水。昨晚佢就上載一段孖住大仔中曦玩煮飯仔嘅溫馨短片到微博，並呼籲大家要珍惜家庭樂。

{{hket:inline-image name="uy.jpg"}}{{/hket:inline-image}}

(霍啟剛微博圖片)

影片所見，中曦同爸爸霍啟剛一齊剪蝦腳，而阿女中妍就企係一旁望住佢哋，之後兩父子夾手夾腳煮蝦，開頭仲有爸爸傍住，但其後中曦自己落手調味，最後兩父子更齊齊展示成果。

{{hket:inline-image name="8f.jpg"}}{{/hket:inline-image}}

霍啟剛同囝囝一同下廚(霍啟剛微博圖片)

{{hket:inline-image name="6.jpg"}}{{/hket:inline-image}}

(霍啟剛微博圖片)

{{hket:inline-image name="9.jpg"}}{{/hket:inline-image}}

開頭爸爸都有傍實(霍啟剛微博圖片)

{{hket:inline-image name="vv.jpg"}}{{/hket:inline-image}}

之後中曦自己煮，好叻仔！(霍啟剛微博圖片)

霍啟剛寫道：「對於家長們來說，孩子每天呆在家裡是一種『新挑戰』。孩子們除了記得要在家做點運動保持身體健康以外，同時也要保持心靈快樂的狀態！因為疫情社會活動減少了，得來的是更多的家庭時間，要多珍惜！昨天就跟兒子研究『廚藝』，好不好吃不是重點，重點是從頭到尾完成一個任務，和媽媽妹妹一起分享！」

{{hket:inline-image name="6fa934a5jw1ebsdurac1fj20dc0hswgl.jpg"}}{{/hket:inline-image}}

(霍啟剛微博圖片)

{{hket:inline-image name="6fa934a5gy1g2g54mjpyzj20yi1a37wi.jpg"}}{{/hket:inline-image}}

(霍啟剛微博圖片)

霍啟剛爺爺係已故富豪霍英東，佢身為富三代，又貴為全國政協委員兼霍英東集團副總裁，身家逾百億，生活富足，但佢行事低調，生活非常貼地。曾經被人影佢到買特價包點、到洗衣舖拎衫，出街又自備埋環保購物袋等行為，而老婆郭晶晶亦都係咁，經常搭車去超市買餸、買街邊平價童裝，因此二人又被喻為「豪門清流」。

相關新聞：【一代跳水王后】郭晶晶為霍家秘密誕第三胎 老爺霍震霆親證喜訊

{{hket:inline-image name="20191212fok1_1024.jpg"}}{{/hket:inline-image}}

霍啟剛教仔女洗車賺零用錢(霍啟剛微博圖片)

而霍啟剛同郭晶晶教育仔女都有一手，一向都主張教導仔女學懂珍惜。舊年佢哋就帶大仔中曦到農村體驗插秧，等佢明白農民的辛苦，從而減少挑食同浪費嘅習慣。霍啟剛又會安排家庭周末活動，教仔女幫忙洗車，從而賺零用錢，等佢哋明白購物背後嘅代價同付出，唔能夠話見到鍾意嘅嘢就要，希望小朋友學識珍惜。

{{hket:inline-image name="6fa934a5gy1g1ywauq9cdj24802tcqv8.jpg"}}{{/hket:inline-image}}

(霍啟剛微博圖片)

{{hket:inline-image name="6fa934a5gy1g1ywayeao1j24802tc7wj.jpg"}}{{/hket:inline-image}}

(霍啟剛微博圖片)

撰文：羅慧怡