歐陽巧瑩有意從政推大麻合法化 被政客批評反擊：你邊位呀

現年27歲嘅歐陽巧瑩2013年參選港姐奪得「友誼小姐」入行，前年同木偶哥林師傑結婚之後慢慢淡出幕前，同無綫的合約早前亦都完結。

{{hket:inline-image name="kk.jpeg"}}{{/hket:inline-image}}

(東星娛樂)

早前歐陽巧瑩透露自己唔想做幕前，更以解脫嚟形容同無綫完約，而未來動向，佢表明有意4年後參選區議員及爭取香港推行大麻合法化。佢指自己言行大膽唔係想博出位，更指自己喺荷蘭亦試過大麻，但係唔鍾意，只不過佢係認為啱嘅就應該支持。

相關新聞：【金宵大廈】歐陽巧瑩被馬貫東偷窺有隱情 曾力撐女性自主權引起關注

{{hket:inline-image name="f.jpeg"}}{{/hket:inline-image}}

歐陽巧瑩2013年參選港姐入行 (東星娛樂)

{{hket:inline-image name="kkk.jpeg"}}{{/hket:inline-image}}

歐陽巧瑩同老公林師傑(東星娛樂)

呢番言論即時引起網民熱烈討論，前自由黨黨員李梓敬更加拍片批評佢，認為歐陽巧瑩推動大麻合法化嘅言論係博出位，更加將歐陽巧瑩呼籲尊重女權一事扯埋一齊講，拎佢喺「世界無胸罩日」時上載多張冇着胸圍嘅相為例子：「成件事都好無聊，我睇唔到唔戴胸罩同女權有咩關係。」更認為歐陽巧瑩呢啲舉動係夾硬同政治訴求拉上關係。

{{hket:inline-image name="jj.jpeg"}}{{/hket:inline-image}}

(李梓敬影片截圖)

歐陽巧瑩亦不甘示弱，今日喺IG上載咗李梓敬段影片嘅截圖，並向李梓敬反擊:

「Hello 李生 你邊位呀？
歪曲事實係(喺)度評論我

篡改我發言 
你都做唔成一張好人牌
其實私下討論 我就無任歡迎嘅
但係你公開評論我
就麻煩比(畀)返少少道德操守
唔好係(喺)度亂做文章」

歐陽巧瑩仲大鬧對方未夠班評論女權同大麻合法化，寸爆叫佢「做多啲功課先」！

有好多網民都撐歐陽巧瑩，反認為李梓敬係抽佢水博出位；但亦有網民唔撐佢，更指佢唔係想出名當年就唔應該參選香港小姐咁話。

撰文：黃蘊姿