新冠肺炎疫情在全球爆發導致人人自危，但仍有人外出時未有戴上口罩。日前就有一名大媽搭巴士時因未有戴口罩，更在車上飲食，而被其他乘客發聲勸喻；但大媽對此極為不滿，更情緒激動地爆粗「鬧爆」全車乘客。事件最終由車長等上前處理，大媽落車敗走收場。
有網民昨日（2日）在Facebook群組上傳影片及圖片，表示乘搭九巴路線269B，由尖沙咀前往天水圍期間，在上層遇到一名大媽在車上飲食，
「又食嘢又唔戴口罩，多人勸告佢盡快戴番口罩，點知發晒癲問候全車人。忘記咗講，我拍佢片，係因為佢想出手打佢隔離嗰位提醒佢戴口罩嘅姨姨！」
大媽進食後，將垃圾亂丟地上。（網上圖片）
從樓主上傳片段及另一條網傳片段可見，大媽情緒十分激動，連珠炮發地以粗口破口大罵其他乘客：「唔X畀食嘢㗎？」、「收聲啦你！唔好X同我講嘢！」雖然大媽曾一度戴上口罩，惟不但戴歪，而且口罩亦十分透薄。
其後，車長前來處理時，一名女乘客指出，大媽不斷咳嗽及噴口水，破口大罵期間「口水噴到隔離都係」，而她「隔兩個位都見到佢啲口水」。最終，在車長等人的勸喻下，大媽只好「死死地氣」自行落車，敗走收場。
大媽將口罩戴歪，而且口罩亦十分透薄。（影片截圖）
此事引來網民熱議，不少人認為大媽行為惡劣，「巴士唔畀食嘢咁都唔知」、「佢個口罩打直戴，仲see through 㗎」、「多謝有責任感的香港人敢言斥責！」同時，亦有不少人將重點放在大媽的眉毛上，「佢條眉幾有殺氣」、「睇條眉都知唔簡單」、「唔好同佢嘈啦，你睇佢條眉就知佢有問題啦」。
而此帖亦成功令多名乘客「相認」交流，甚至連車長亦現身留言：「佢紋眉有型過鄧家彪！」對於樓主表示「辛苦晒司機」，以及一眾網民的稱讚，車長回覆稱：「應該的！」
延伸閱讀：
媽媽港鐵上埋首玩電話 不替女兒戴口罩放任狂踩座位【附2招消毒鞋底】【查看詳情】
大叔搭巴士不停除口罩咳嗽挖鼻 目擊者：大力擤鼻涕仲要陰陰嘴笑【查看詳情】
大媽用紙巾撳𨋢後隨手扔落地 理直氣壯：「日日都有人掃地」【查看詳情】
撰文：李凱晴