【機場特警】每集肥仔肥妹暖場小故事 原來張振朗童年係親姪仔演？

劇集《機場特警》播放一星期，每集主題曲播放之前，都會播放劇中張景山（張振朗飾）和辛凱晴（蔡思貝飾）的童年小故事，他們小時候互相稱呼為肥仔和肥妹，更經常鬥氣追逐，非常可愛。有一日辛凱晴的媽媽召喚她回家，大大聲呼喊「辛凱晴」的名字，當時肥嘟嘟的張景山才得悉對方的名字。沒想到後來考機場特警入學堂重遇對方，不過張景山將吹波糖送畀辛凱晴時，對方沒有反應，但明顯張景山已知對方是當年的「肥妹」。

相關新聞：【機場特警】張振朗飛天插水捉賊神乎其技 搞笑玩劇中劇觀眾睇唔睇得出？

張鈞睿同黃語芊兩位小演員都演得好可愛。（圖片：機場特警官方IG)

原來肥仔就係張振朗的親姪。（圖片：機場特警官方IG)

兩小無猜小可愛。（圖片：機場特警官方IG)

今日張振朗和《機場特警》一眾演員做宣傳活動時，承認原來劇中飾演他童年的肥仔正是自己的親姪仔張鈞睿，他說：「好多網民都發現咗，我覺得佢同我似樣，況且想畀佢見吓世面。（佢好好戲喎。）如果跟佢學，我就唔會演得咁衰啦。（佢有片酬？）有，不過我冇收佢錢，佢父母我就唔知喇！」而張振朗隨後在IG放上姪仔演戲的畫面，並感慨留言說：「胖小山，睇住你做戲，我都有種眼濕濕嘅感覺。」

相關新聞：【機場特警】程可為演惡媽嫌棄楊明女友 去年跌倒骨裂靠拐杖出入仍恨開工

辛凱晴和張景山小時候就認識，未知會否為他們燃起愛火？（圖片：機場特警官方IG)

（圖片：機場特警官方IG)

（圖片：機場特警官方IG)

其實有留意張振朗社交平台的粉絲都知，張振朗係廿四孝阿叔，除了工作的照片外，大多數都是他的姪仔的生活日常照片和搞笑短片，兩個姪仔一肥一瘦，而且非常頑皮，跟這個孩子氣十足的叔叔張振朗經常打成一片，未知今次之後，姪仔會否同叔叔一樣愛上演戲呢？

(圖片：張振朗IG）

(圖片：張振朗IG）

(圖片：張振朗IG）

(圖片：張振朗IG）

(圖片：張振朗IG）

(圖片：張振朗IG）

(圖片：張振朗IG）

(圖片：張振朗IG）

撰文：楊安莉