【聲明】港生活網站並無進行電話推廣活動

《流行都市》換新 Look 林淑敏開心同小鮮肉交流

發佈時間: 2020/04/07

「大小姐」林淑敏、岑杏賢及安德尊等,昨日在電視城出席《流行都市》全新錄影廠開廠拜神儀式。林淑敏加入節目十年,最開心節目加入小鮮肉譚永浩、焦浩軒等,令她不用只對住「臘肉」安德尊及章志文。

林淑敏表示見證節目由《都市閒情》改名為《流行都市》︰「我當呢度係我娘家,點都唔會離開。今次除咗有兩嚿『臘肉』安德尊同章志文助陣,仲加入咗『小鮮肉』譚永浩、焦浩軒同吳天佑,好似大家庭,我又鍾意同後生仔交流。」

今次《流行都市》轉廠,林淑敏表示節目形式也有改變,會更緊貼時事,講解更多新冠肺炎疫情的資訊。她說︰「節目介紹咗快速測試,之前滕麗名都話想買畀屋企人試,我都想睇下有無用。」提到錄影時多人聚集,擔心中招高危?她表示會做足消毒措施,又笑指另一主持黃美棋竟帶消毒機返工,相當厲害。

岑杏賢變美女廚神

同場的岑杏賢去年六月加入節目,笑言主持節目令她廚藝突飛猛進︰「我本身廚藝都唔錯,只係中菜弱啲,不過我喺其他師傅度偷師,連男朋友都話節目幫到我,叫我繼續做。因為疫情,我都多咗時間留喺屋企自己煮。」

採訪︰Pauline

編輯︰李潔盈

美術︰梁政敏

攝影︰林良明

《流行都市》換新 Look 林淑敏開心同小鮮肉交流

譚永浩(後左一)、焦浩軒(後右二)及吳天佑(後右一)為《流行都市》注入活力。