李施嬅聞港姐停辦嗌心痛

李施嬅與海俊傑昨日到新城宣傳合唱新歌《二次緣》，提到無綫停辦今屆港姐，03年獲「最上鏡小姐」的施嬅聞言無奈說：「TVB有呢個決定都好心痛，始終咁多年第一次取消，不過明白依家嘅疫情，要以大家嘅健康為大前提，其實可以畀打算今年參選嘅女仔，多咗一年時間準備。」

二人昨日在節目中首度現場合唱，施嬅笑言十分緊張：「海仔係個好勁嘅歌手，我叫佢睇住我。同埋原來我錄歌嗰陣唱錯咗歌詞，將『漸寒漸凍』唱咗做『漸行漸凍』。」另外，施嬅最近因工作關係，認識不少新朋友，如今疫情下有時間加深了解。是否追求者？她笑說；「男朋友一個就夠，搵到合適對象都要深入了解，之前太忙，連打電話返屋企都無時間。」不過海俊傑即大爆施嬅不止有一位追求者。

採訪︰Pauline

攝影︰林良明