【聲明】港生活網站並無進行電話推廣活動

小產後首拜祭無法講出準確落車位置 傷心媽被的士司機一句戳中痛處

發佈時間: 2020/04/12

今日(12日)復活節對大家來說是一個假期,但其實有不少人正經歷著人生最痛。一名女子早前不幸流產,日前首次前往拜祭孩子,卻因不熟路而無法說出準確的落車位置,而被的士司機連番「單打」,甚至戳中痛處落淚收場。對此,大批網民怒斥涉事司機「衰格」沒口德,並對女子的遭遇感到心痛。

「唔該的士司機積下口德,唔該!」有網民日前在Facebook群組「的士司機資訊網 Taxi」發帖,指其友人早前小產,前日(10日)與其母搭綠色的士,到粉嶺和合石拜祭剛住入的小天使。友人上車後向司機表示「和合石呀唔該」,卻因未能說出準確的落車位置,而被司機連番「單打」,「諗清楚先講唔好ER」。

其友人只好含糊其辭說出「紀念花園嗰度」,卻被司機回覆的一句話而當場在車上痛哭落淚,

「邊度紀念花園,你都唔識講我點知邊度,你哋啲人都唔知點拜山,年年都拜年年都唔識講,咁無心就唔好去啦!」

隨後,司機繼續連珠炮發道:

「我唔係話你哋,係太多客都係咁,有啲仲話我你揸的士唔識嘅咩,你哋拜山都講唔出我揸車點會識呀?」

最終到達目的地後,樓主友人先行落車,其母則代女兒向司機交涉,「朋友媽媽說你話錯人啦,我哋係嚟拜我個死咗嘅孫,個的士佬再話,我點知你哋先得㗎!」

此事引來網民熱議,不少人怒斥涉事司機「衰格」沒口德,「真係的口臭」、「蝦女人啦,如果係大隻佬睇吓會唔會咁口臭?」、「佢好彩呀,你哋咁好EQ,如是我玻璃都爛晒呀!」

不過,亦有網民認為不能「一竹竿打沉一船人」,有不少的士司機也很有禮貌,「持平啲講,你話唔到正確位置又點叫人車到目的地呢?不過個司機語氣差就無可否認,佢可以有禮貌問清楚目的地又或去到附近你哋帶路都可以。」

 

責任編輯:李凱晴