新冠肺炎疫情持續升溫，但在復活節4天假期期間，卻有不少市民無懼疫情，乘機到長洲、西貢、大澳等地「鬆一鬆」。其中，有自發到塔門清理石灘垃圾的山友發現，有大批市民三五成群到塔門聚集露營，並遺下大量即棄垃圾。更令人心痛的是，有牛牛在垃圾堆中覓食，而且更隨時誤吃塑膠，恐有「塞胃」致慢性死亡之虞。對此，該名山友怒斥道：「你不殺隻牛，隻牛卻因你而死！」
山友目睹大批遊人在塔門聚集露營。（「Tai Po 大埔」圖片）
該名山友昨日（11日）晚上在Facebook群組「Tai Po 大埔」發帖，指他上周五（10日）在假期第一天，獨自去塔門清理石灘時，看到大批遊人聚集露營，
「抗疫避災唔一定要學古人咁重陽登高遠足，香港人放假留多幾日喺屋企係唔駛死嘅……尋日復活假第一日估計好多郊區都同其他熱門景點一樣，無可避免會成為假日『放監』但被困香港嘅市民復活避災勝地。」
山友拾獲大量膠樽等垃圾。（「Tai Po 大埔」圖片）
他又指出，期間目睹遊人在大草地「跑吓放吓狗放吓風箏飲飲食食影吓相」，而且「除晒口罩4人以上聚集玩吓笑吓」。而最令他無奈的是，不少遊人盡情「放鬆」時，卻產生無數食品即棄塑膠包裝和餐具，
「大部份人食完飲完當然想即時棄之而後快，膠樽膠袋膠飯盒膠叉膠羹膠飲管隨處可見。」
而且，牛牛等野生動物更在人類棄置的垃圾堆中覓食維生，
「當然佢哋係唔會醒到識分邊啲係食得，邊啲食咗會長年塞喺個胃直至佢消化不能再食唔到嘢，行為變相係慢性『被自殺』幾時死咗都無人知。」
牛牛在垃圾堆中覓食。（「Tai Po 大埔」圖片）
最後，他呼籲大眾切記「環保走塑」、「源頭減廢」，但只可惜大城市鼓吹即食文化，
「令人類學習與大自然共存嘅行為不斷退步……難道大家唔覺得疫病嘅降臨係大自然對人類作出嘅無聲控訴嗎？我唔信教但深信凡事有因必有果，喺全球氣候暖化超越那個「臨界點」之前實在需要我哋自覺受災中嘅人類深切反思同行動。」
山友擔心牛牛會誤吃塑膠塞胃，繼而被「慢性自殺」。（「Tai Po 大埔」圖片）
此事引來網民熱議，不少人留言怒斥遊人無懼疫情聚集露營已是不該，而且更將快樂建築在大自然的痛苦上，「喺緊張抗疫時仲成堆人迫出去已經夠衰，仲要周圍掉垃圾！」、「懇請大家去解悶時，也要自律一啲啦！自己垃圾自己帶走好嗎？」、「真係好自私，又要出去玩又唔負責任！」、「其實全球疫情，可能是地球的控訴，大家就生活得環保一點吧！」
責任編輯：李凱晴