黛安
黛安

華懋集團捐贈口罩予少數族裔抗疫

發佈時間: 2020/04/14

華懋集團捐贈口罩予少數族裔抗疫

香港係共融社會,居於香港嘅少數族裔超過30萬人,佢哋喺疫境下都好需要援助。黛安知道華懋集團好有心,早前捐贈咗20萬個口罩畀有需要人士,當中受惠者包括少數族裔,發揮互助精神。

其中一名受惠者係居港多年嘅巴基斯坦裔Khan,佢現時從事物流業,太太主要在家照顧兩年幼孩子。Khan話公司近月生意大跌,如果佢失業,全家即時手停口停。另外,因屋企唔夠口罩,有時只能用毛巾遮蓋口鼻就外出返工,一家人喺疫情下活在徬徨中,「第一次收到捐贈口罩,多謝華懋及志願組織,我唔使再包毛巾外出,可以安心了。」

志願機構同理心慈善基金創辦人白俊達(Jimmy)話,居港嘅少數族裔好多都係土生土長,同為香港人,期望有其他機構好似華懋咁,幫助佢哋渡過困境。華懋集團就話會密切留意疫情發展,關顧員工同市民嘅需求。

撰文: 黛安 消息特靈八卦公關
欄名: 八卦名利場